Nawfed Symffoni Dvořák

Nawfed Symffoni Dvořák

Enghraifft o:	gwaith neu gyfansodiad cerddorol
Dyddiad cyhoeddi	1894
Dechrau/Sefydlu	1893
Lleoliad y perff. 1af	Neuadd Carnegie
Dyddiad y perff. 1af	15 Rhagfyr 1893
Cyfansoddwr	Antonín Dvořák
Dynodwyr
Freebase	/M/0k58h
Ffeiliau perthnasol ar Gomin Wicimedia

Tudalen cyntaf score nawfed symffoni Dvořák.

Cyfansoddodd Antonín Dvořák ei nawfed symffoni (a adnabydir hefyd fel Symffoni'r Byd Newydd) yn 1893 pan oedd yn gyfarwyddwr Conservatoire Cerdd Genedlaethol America yn Ninas Efrog Newydd. Dyma oedd y symffoni olaf iddo ei chyfansoddi, yn y cywair E leiaf. Aeth tâp o'r symffoni yma gyda Neil Armstrong ar daith ofod Apollo 11 yn 1969. Mae perfformiad fel arfer yn para tua 40 munud.

Cefndir

Roedd y symffoni wedi'i chomisiynnu gan Gerddorfa Ffilharmonig Efrog Newydd, ac roedd y perfformiad cyntaf yn Neuadd Carnegie, Efrog Newydd ar 16 Rhagfyr 1893.

Roedd y symffoni wedi cael ei hysbrydoli gan Ganeuon ysbrydol Americanwyr brodorol a glywodd Dvořák yn America. Pan oedd yn gyfarwyddwr ar Conservatoire Cerdd Genedlaethol America, roedd y myfyriwr Harry Burleigh yn canu'r alawon traddodiadol iddo. Dywedodd Dvořák mai defnyddio'r alawon fel ysbrydoliaeth i'w gerddoriaeth ei hun a wnaeth, ac nid dwyn yr alawon.

Mae yna bedwar symudiad yn y darn:

Offeryniaeth

Mae'r symffoni wedi'i sgorio ar gyfer y gerddorfa ganlynol:

• 2 ffliwt (un picolo dwbl)

• 2 obo (un Cor anglais dwbl)

• 2 clarinét yn B♭ ac A

• 2 Basŵn

• 4 Corn Ffrengig yn E, C ac F

• 2 Utgorn yn E, C ac E♭

• 3 Trombôn: alto, tenor, bass

• Tiwba (ail symudiad yn unig)

• Timpani

• Triongl (trydydd symudiad yn unig)

• Symbalau (pedwerydd symudiad yn unig)

• Ffidil 1
• Ffidil 2
• Fiola
• Sielo
• Bas dwbl