Níamh Chinn Óir

Oddi ar Wicipedia
Jump to navigation Jump to search

Cymeriad ym mytholeg Iwerddon yw Níamh Chinn Óir, ffurf Gymraeg Nia Ben Aur. Mae'n ymddangos yng Nghylch Fionn fel merch i Manannán mac Lir, duw y môr. Syrth mewn cariad ag Oisín, mab Fionn mac Cumhaill, bardd mwyaf Iwerddon a rhyfelwr yn y Fianna. Mae Níamh yn ymddangos iddo ac yn mynd ag ef i wlad Tír na n-Óg. Genir mab iddynt o'r enw Oscar, a merch o'r enw Plor na mBan.

Wedi'r hyn sy'n ymddangos iddo ef yn dair blynedd, mae Oisín yn penderfynu dychwelyd i Iwerddon. Mewn gwirionedd mae 300 mlynedd wedi mynd heibio. Wrth roi benthyg ei cheffyl gwyn Embarr iddo, mae Níamh yn ei rybuddio i beidio a gadael i'w droed gyffwrdd y llawr. Fodd bynnag, mae Oisín yn syrthio i'r llawr wrth geisio helpu gweithwyr i godi carreg, ac mae'n troi yn hen ŵr ar ei union.

Defnyddiwyd y stori fel sail i gerdd Gymraeg gan Thomas Gwynn Jones ac i'r opera roc Gymraeg Nia Ben Aur.