Mynachdy San Lourenzo de Carboeiro

Oddi ar Wicipedia
Jump to navigation Jump to search

42°45′18.09″N 8°14′48.34″W / 42.7550250°N 8.2467611°W / 42.7550250; -8.2467611Cyfesurynnau: 42°45′18.09″N 8°14′48.34″W / 42.7550250°N 8.2467611°W / 42.7550250; -8.2467611

San Lourenzo de Carboeiro
Mosteiro de San Lourenzo de Carboeiro
Y mynachdy o'r tu allan
Enwau eraill Mosteiro de San Lourenzo de Carboeiro
Gwybodaeth gyffredinol
Arddull bensaernïol Romanesque
Lleoliad Pontevedra, Galisia
Tref neu ddinas Barcelona
Gwlad Sbaen
Dechrau adeiladu cyn 939
Cynllunio ac adeiladu
Client Urdd Sant Bened

Mynachdy San Lourenzo de Carboeiro yw un o adeialdau pwysicaf o ran ei bensaerniaeth Romanesque yng Ngalisia sy'n un o wledydd ymreolaethol Sbaen. Fe'i lleolwyd ger Afon Deza yn Carboeiro, Silleda, Rhanbarth Pontevedra. Meudwy o'r enw Egica oedd perchennog y tir ac fe'i gwerthodd cyn 939 i Doña Tareixa Eiriz a Don Gonzalo Betote, ieirll o Deza.

Roedd y mynachdy'n perthyn i Urdd Sant Bened a gellir ei olrhain yn ôl i'r 10g. Roedd yn ei anterth rhwng y 11fed a'r 12g ac mae heddiw'n dal i fod mewn cyflwr da yn dilyn gwaith adfer yn ail hanner yr 20g. Yn 2015 roedd y gwaith o gynnal a chadw'r adeilad wedi ailddechrau. Saif y trefi Vigo 101 Km i ffwrdd, gyda Pontevedra 75 Km, Ourense 76 Km a Santiago de Compostela 38 Km.[1]

Ceir tair ystlys gyda phedwearedd ar hyd y groesfa (neu 'transept'). Ceir pedair colofn o bopty'r fynedfa fwaog, garreg - sy'n frith o gerfiadau o gymeriadau (cerddorion yn bennaf) allan o Lyfr y Datguddiad - pencampwaith o gelfyddyd yn ôl y pensaeri "heb ei debyg yn unman arall". Fodd bynnag mae'r fynedfa i Portal of La Gloria, sydd yn eithaf agos, yr un mor gywrain.

Dechreuodd y dirywiad yn y 15g, ac yn 1500 drwy orchymyn gan Ferdinand ac Isabella, fe'i israddiwyd i statws 'priordy' gyda rhan ohono'n mynd i berchnogaeth fferm. Ar un cyfnod, bu'n garchar. Ceir ar y muriau ambell ysgrif, gan gynnwys: 'ERA MCCVIIII KALENDAS' IY sef: 'Y Cyntaf o Fehefin 1171'.

Ffilm[golygu | golygu cod y dudalen]

Yn 1965, ffilmiwyd Cotolay ym Mynachdy San Lourenzo de Carboeiro, wedi'i chynhyrchu gan Nieves Conde, gyda nifer o drigolion lleol yr ardal yn cymryd rhan.

Cyfeiriadau[golygu | golygu cod y dudalen]

  1. http://www.turgalicia.es; Saesneg; adalwyd 29 Mehefin 2015

Gweler hefyd[golygu | golygu cod y dudalen]

Dolen allanol[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i: