Mr Burton

Mr Burton

Enghraifft o:	ffilm
Gwlad	y Deyrnas Unedig
Dyddiad cyhoeddi	4 Ebrill 2025
Genre	ffilm am berson
Prif bwnc	Richard Burton
Cyfarwyddwr/wyr	Marc Evans
Cyfansoddwr	John Hardy
Iaith wreiddiol	Saesneg
Dynodwyr

Ffilm ddrama am fywyd cynnar yr actor Richard Burton gan y cyfarwyddwr Marc Evans yw Mr Burton a gyhoeddwyd ar 4 Ebrill 2025. Fe'i cynhyrchwyd yn y Deyrnas Unedig gan Ed Talfan, Hannah Thomas, Josh Hyams a Trevor Matthews. Sgwennwyd y sgript gan Tom Bullough a Josh Hyams yn Saesneg a phytiau o Gymraeg. Cyfansoddwyd y gerddoriaeth gan John Hardy. Stuart Biddlecombe oedd sinematograffydd ('cyfarwyddwr ffotograffi') y ffilm a gafodd ei golygu gan Tim Hodges.

Mae'r ffilm yn 124 munud o hyd a chafodd ei ffilmio mewn lliw.

Plot

Mae’r ffilm yn dangos dylanwad dwfn Philip Burton, athro Saesneg a chyfarwyddwr theatr, ar Richard Jenkins, dyn ifanc o gefndir difreintiedig ac anhapus. Tua diwedd yr Ail Ryfel Byd mae Jenkins yn aelod o ddosbarth Saesneg Burton ym Mhort Talbot. Mae ganddo uchelgais i fod yn actor. Mae Philip Burton yn ei hyfforddi a'i annog. Mae Jenkins yn cymryd cyfenw ei athro ac yn dod yn Richard Burton, yr enw a fyddai'n cael ei adnabod wrtho trwy gydol ei yrfa ddilynol. Er hynny, mae diolchgarwch Richard yn troi'n ddrwgdeimlad, ac mae'r actor yn dechrau brwydro yn erbyn diod feddwol. Daw’r ffilm i ben gyda pherfformiad Richard gyntaf gyda’r Royal Shakespeare Company yn Stratford-upon-Avon yn 1951, ei lwyddiant ysgubol, a’i gydnabyddiaeth o’i ddyled bersonol i’w hen athro.

Cast

• Harry Lawtey – Richard Burton
• Toby Jones – Philip Burton, ei athro
• Lesley Manville – Ma Smith, ei letywraig
• Steffan Rhodri – Dic Jenkins, ei dad
• Aimee-Ffion Edwards – Cis James, ei chwaer
• Aneurin Barnard – Elfed James, ei frawd yng nghyfraith