Moronobu

Oddi ar Wicipedia
Neidio i: llywio, chwilio
Moronobu
Ganwyd 1618 Edit this on Wikidata
Kyonan Edit this on Wikidata
Bu farw 25 Gorffennaf 1694 Edit this on Wikidata
Edo Edit this on Wikidata
Gwaith Arlunydd edit this on wikidata
Llun shunga gan Moronobu. Toriad pren, inc du ar bapur Siapanaidd. Tua diwedd 1670au-dechrau'r 1680au.

Arlunydd Siapaneaidd oedd Hishikawa Moronobu (Siapaneg: 菱川師宣, Hishikawa Moronobu) (161825 Gorffennaf 1694) a adnabyddir fel un o arloeswyr y mudiad celf ukiyo-e yn y 1670au, yn enwedig am ei ddefnydd o brintiau bloc pren. Cydnabyddir hefyd fod Moronobu yn arlunydd shunga (darluniau erotig) blaengar.

Brodor o ardal Hoda ar Fae Edo oedd Moronobu (sylwer mai 'Hishikawa' yw'r enw teuluol, nid 'Moronobu'). Symudodd i Edo ei hun ac astudiodd dan artist a adnabyddir fel y Meistr Kambun.

Cynhyrchodd Moronobu luniau o sawl math, ond fe'i cofir yn bennaf fel sefydlydd pwysicaf yr arddull ukiyo-e. Ond yn wahanol i artistiaid ukiyo-e diweddarach, mae'r cyfan o waith Moronobu yn ddarluniau inc du a gwyn sy'n amlygu sensitifrwydd arbennig a phurdeb ffurf.

Mae ei waith yn cynnwys sawl enghraifft o luniau erotig - abuna-e (printiadau risqué) - sydd a rhan bwysig yn hanes yr arddull shunga ond sydd, gydag ambell eithriad, yn llai agored rywiol ac ecsblisit na'r gweithiau shunga diweddarach.

Gweler hefyd[golygu | golygu cod y dudalen]

Comin Wikimedia
Mae gan Gomin Wikimedia
gyfryngau sy'n berthnasol i:
Flag Japan template.gif Eginyn erthygl sydd uchod am Japan. Gallwch helpu Wicipedia drwy ychwanegu ato