Mikhail Kalashnikov

Oddi ar Wicipedia
Neidio i: llywio, chwilio
Kalashnikov yn 2009

Dylunydd a dyfeisiwr arfau Rwsaidd oedd Mikhail Timofeyevich Kalashnikov (Михаил Тимофеевич Калашников; 10 Tachwedd 1919 - 23 Rhagfyr 2013) a roddodd ei enw i'r reiffl 'Kalashnikov AK-47', yr 'AKM' a'r 'AK-74' yn ogystal â'r PK machine gun. Chwe mis cyn iddo farw cyhoeddwyd llythyr ganddo a oedd yn mynegi ei fod mewn poen dirdynol, parhaol, oherwydd ei euogrwydd; teimlai'n gyfrifol am y marwolaethau a achoswyd gan ei ynnau.[1]

Fe'i ganwyd yn Kurya, Altai Krai, Rwsia, yn fab i Aleksandra Frolovna Kalashnikova (née Kaverina) a Timofey Aleksandrovich Kalashnikov. Priododd Kalashnikov ddwywaith, y tro cyntaf i Ekaterina Danilovna Astakhova o Altai Krai a'r ail waith i Ekaterina Viktorovna Moiseyeva (1921–1977).[2] Roedd hithau hefyd yn beiriannydd a chynorthwyodd ei gŵr i ddylunio nifer o'i arfau ac arteffactau eraill. Cawsant 4 o blant: Nelli (g. 1942), Elena (g. 1948), Natalya (1953–1983), a mab o'r enw Victor (g. 1942).[3][4]

Dyfeisiodd y reiffl "Mikhtim" ym 1946 a'r AK-47 y flwyddyn wedyn. Ystyr y talfyriad AK-47 oedd Avtomat Kalashnikova model 1947. Yn 1949 daeth yn wn safonol i bob un o filwyr byddin Rwsia.

Cyfeiriadau[golygu | golygu cod y dudalen]



Soldier svg.svg Eginyn erthygl sydd uchod am berson milwrol. Gallwch helpu Wicipedia drwy ychwanegu ato.
Baner RwsiaEicon person Eginyn erthygl sydd uchod am Rwsiad. Gallwch helpu Wicipedia drwy ychwanegu ato.