Methil

Oddi ar Wicipedia
Jump to navigation Jump to search
Methil
Lower Methil High Street.jpg
Mathtref Edit this on Wikidata
Poblogaeth10,800 Edit this on Wikidata
Daearyddiaeth
Rhan o'r canlynolLevenmouth Edit this on Wikidata
SirFife Edit this on Wikidata
GwladBaner Yr Alban Yr Alban
Uwch y môr14 metr Edit this on Wikidata
Cyfesurynnau56.1844°N 3.0223°W Edit this on Wikidata
Cod OSNT365995 Edit this on Wikidata
Cod postKY8 Edit this on Wikidata

Tref yn awdurdod unedol Fife, yr Alban, ydy Methil[1] (Gaeleg yr Alban: Meadhchill).[2] Saif ar yr arfordir yn edrych dros Foryd Forth, rhwng Buckhaven i'r gorllewin a Leven i'r dwyrain. Mae Afon Leven yn gwahanu Methil a Leven.

Roedd Methil gynt yn un o borthladdoedd pwysicaf y rhanbarth. Yn hanesyddol, codi glo oedd prif ddiwydiant yr ardal, a byddai rhan fwyaf o’r glo’n cael ei allforio drwy ddociau Methil. Rhwng y Rhyfel Byd Cyntaf a’r Ail Ryfel Byd allforiwyd dros 3,000,000 o dunelli’r flwyddyn drwy'r dociau. Rhwng 1960 a 2011 safai Gorsaf Bŵer Methil, a oedd yn cael ei thanio gan slyri glo, wrth aber Afon Leven.

Yng Nghyfrifiad 2011 roedd gan ardal adeiledig Methil boblogaeth o 11,010.[3]

Cân y Proclaimers[golygu | golygu cod y dudalen]

Rhestrir Methil yng nghân deuawd gwerin/pop Albanaidd, The Proclaimers yn eu cân 'Letter from America'. Rhyddhawyd y gân yn 1987 ac mae'n trafod allfudo Albanwyr i edrych am waith. Mae pennill yn y gân sy'n adrodd enwau trefi sydd wedi dioddef o golli gwaith a di-boblogi: "Lochaber no more; Southerland no more; Lewis no more, Skye no more" - sef enwau ardaloedd a effeithiwyd gan Clirio'r Ucheldiroedd yn 19g ac yna cyferbynir hyn gyda'r ardaloedd diwydiant trwm o'r 20g a welwyd diboblogi: "Bathgate no more, Linwood no more; Methil no more; Irvine no more".[4]

Cyfeiriadau[golygu | golygu cod y dudalen]

  1. British Place Names; adalwyd 9 Ebrill 2022
  2. Gwefan Ainmean-Àite na h-Alba; adalwyd 9 Ebrill 2022
  3. City Population; adalwyd 9 Ebrill 2022
  4. "The Proclaimers - Letter From America". Dig! fideo swyddogol y gân ar Youtube. Cyrchwyd 27 Chwefror 2009.