Menna Trussler

Menna Trussler
Ganwyd	Marjorie Menna Morris 11 Mai 1935 Abertawe
Galwedigaeth	actores

Actores Gymraeg o Fforest-fach, Abertawe, yw Menna Trussler (ganed 11 Mai 1935), enw morwynol Marjorie Menna Morris, sydd wedi portreadau amrywiaeth o gymeriadau gwahanol ar y sgrin yng Nghymru a thu hwnt. Ymddangosodd hefyd ar lwyfannau'r theatr yn arbennig yn Theatr y Grand, Abertawe. Mae hi'n adnabyddus am ei phortreadau yn y ffilm Pride, a'r cyfresi Little Britain, Un Bore Mercher, Stella, Alys, Jam & Jerusalem, Y Pris, We are Seven, Pam Fi, Duw? a Licyris Olsorts. Cafodd ei henwebu ar gyfer gwobr yr actores orau yng ngwobrau BAFTA Cymru ym 1995 am ei rhan yn y ffilm The Drag Factor, ac enillodd wobr am y llais gorau yng ngwobrau Animeiddio Prydeinig 2022, am y ffilm Affairs of the Art.

Gyrfa

Ganwyd Menna Morris yn Abertawe a bu'n ymwneud â'r ddrama o oed ifanc iawn, yn gyntaf gyda Capel y Bedyddwyr lleol, ac ymunodd â chlwb drama amatur Fforest-fach. Wedi blynyddoedd yn actio gyda'r cwmni, ymunodd â Chymdeithas Operatig Amatur Abertawe, gan berfformio sawl gwaith ar lwyfan Theatr y Grand yn y ddinas.

Wedi'i magu mewn teulu glofaol, cafodd ei dylanwadu'n drwm gan "artist amldalentog" a swyddog ifanc o'r Awyrlu Cynorthwyol i Ferched o'r enw Diane yn ystod blynyddoedd y rhyfel. Daeth Diane yn fentor i Menna, gan ei hysbrydoli i ddilyn gyrfa actio, yn hytrach na mynychu Coleg Technegol Abertawe a dysgu teipio.

Ei gŵr James (Jim) Denley Trussler (1927 – 2025) a roddodd gyngor diffuant iddi, gan ei hannog i ymladd am gydnabyddiaeth yn hytrach nag aros i gael ei darganfod. Ym 1977, [yn 42 oed] cafodd gynnig swydd fel Rheolwr Llwyfan cynorthwyol yn Theatr y Grand, a roddodd fodd iddi ennill ei chardyn Equity, a chael perfformio mewn dramâu llwyfan am y 10 mlynedd canlynol. Bu'n gweithio'n agos gyda'r dramodydd Frank Vickery, ar sawl cynhyrchiad o'i waith.

Ym 1997, ymunodd â chast Pam Fi, Duw? fel "gu" [mamgu], a bu ymhob cyfres wedi hynny.

Y tu hwnt i'w llwyddiant, mae Menna yn parhau i fod â chysylltiad dwfn â'i gwreiddiau, gan gefnogi a hyrwyddo maes actio amatur Abertawe.

Bu farw ei phriod Jim Trussler ar gychwyn 2025, ac mae ganddynt un ferch, Nia Trussler, sydd hefyd yn actores.

Derbyniodd Radd Er Anrhydedd gan Brifysgol Abertawe am ei chyfraniad fel actores.

Cynyrchiadau

(detholiad)

Theatr

Llawer o gynyrchiadau gyda Theatr y Sherman a Theatr y Grand, Abertawe.

• Gwenith Gwyn (1980) Cwmni Theatr Cymru

Ffilm, Teledu a Radio

• Affairs of the Art (2021)
• Bronwyn goes dancing (2019)
• Un Bore Mercher / Keeping Faith (2017)
• Aberfan: The Green Hollow (2016)
• Golden Years (2016)
• The Kennedys (2015)
• The Casual Vacancy (2015)
• Pride (2014)
• Stella (2012-2014)
• Alys (2012-2014)
• There She Goes (2012)
• Come Fly with Me (2010)
• Jam & Jerusalem (2006-2009)
• Caught in the Act (2008)
• Torchwood (2008)
• Y Pris (2007)
• Casualty (2007)
• Pobol y Cwm (2006)
• Dreams and Desires: Family Ties (2006)
• Doctors (2006)
• Little Britain (2003-2005)
• Y Mabinogi (2003)
• The Bench (2002)
• Plotz with a View (2002)
• Anrheg Elin (2000)
• Human Traffic (1999)
• In the Company of Strangers (1999)
• Satellite City (1998)
• The Deadness of Dad (1998)
• Pam Fi, Duw? (1997-2001)
• Testament: The Bible in Animation (1996)
• The Sherman Plays (1993 - 1996)
• Trip Trap (1996)
• Wales Playhouse (1996)
• August (1996)
• Licyris Olsorts (1995-1998)
• Heliwr / A Mind to Kill (1995)
• Pobol y Cwm (1993)
• William Jones (1993)
• Eira Cynta'r Gaeaf (1992)
• Dan y Wenallt (1992) - radio
• Shakespeare: Y Dramâu wedi'u Hanimeiddio (1992)
• Rebecca's Daughters (1992)
• We are Seven (1989-1991)
• Body Beautiful (1991)
• Slac yn Dynn (1989)
• Ballroom (1988)
• Better Days (1988)
• A Killing on the Exchange (1987)
• The District Nurse (1987)
• Milwr Bychan (1987)
• That Uncertain Feeling (1986)
• Bowen a'i Bartner (1985)