Megan Jones Roberts
| Megan Jones Roberts | |
|---|---|
 Megan, tywysydd Parêd Gŵyl Dewi Aberystwyth 2026 | |
| Dinasyddiaeth |  Cymru |
Ymgyrchydd diwylliannol yw Megan Jones Roberts.
Megan oedd Tywysydd Parêd Gŵyl Dewi Aberystwyth yn 2026.[1] Mae’n dyst i’w hymdrechion clodwiw i godi dros £140,000 tuag at elusennau, a’i gwaith diflino dros y diwylliant Cymraeg yn ei hardal.
Bu’n gweithio i’r Cambrian News am 20 mlynedd. Yn 2026, hi oedd Cadeirydd papur bro Yr Angor yn Aberystwyth a llywydd cangen Merched y Wawr Aberystwyth. Hi hefyd yw trefnydd Eisteddfod Calan Mai Aberystwyth a Chadeirydd Cymdeithas Eisteddfodau Cymru. Derbyniwyd hi i’r Orsedd yn Eisteddfod Genedlaethol Cymru Sir Fynwy a'r Cyffiniau 2016.
Bywyd Personol
[golygu | golygu cod]Magwyd Megan yn Nhal-garreg, ger Llandysul, Ceredigion, yn un o bedwar o blant. Mynychodd Ysgol Uwchradd Aberaeron ac yna Coleg Addysg Bellach, Aberystwyth, i astudio teipio a llaw-fer. Mae’n briod â Peter ac mae ganddynt ferch o'r enw Meinir. Yn 2024, cododd symiau mawr o arian i elusen drwy drefnu cyngerdd ym Mharc Llety. Ar y pryd roedd hi'n cael triniaeth am ganser.[2]
Cyfeiriadau
[golygu | golygu cod]- ↑ Yr Angor 479, Chwefror 2026, t. 5
- ↑ Julie McNicholls Vale (28 Mai 2024). "Woman raises £6,800 for causes close to her heart during cancer treatment". Cambrian News (yn Saesneg). Cyrchwyd 19 Chwefror 2026.