Marina Popovich

Oddi ar Wicipedia
Jump to navigation Jump to search
Marina Popovich
PopovichML.jpg
Ganwyd 20 Gorffennaf 1931 Edit this on Wikidata
Velizhsky District Edit this on Wikidata
Bu farw 30 Tachwedd 2017 Edit this on Wikidata (86 oed)
Krasnodar Edit this on Wikidata
Dinasyddiaeth Baner Rwsia Rwsia
Addysg Doethuriaeth Nauk mewn Peirianneg Edit this on Wikidata
Alma mater
  • Prifysgol Hedfan Sifil y Wladwriaeth, St Petersburg Edit this on Wikidata
Galwedigaeth hedfanwr, Ysgrifennwr, peilot prawf, peiriannydd Edit this on Wikidata
Plaid Wleidyddol Plaid Gomiwnyddol yr Undeb Sofietaidd Edit this on Wikidata
Priod Pavel Popovich Edit this on Wikidata
Gwobr/au Urdd Baner Coch y Llafur, Urdd y Bathodyn Anrhydedd, Meistr Anrhydeddus Chwaraeon, CCCP, Medal Jiwbili "I Goffáu 100fed Pen-blwydd Geni Vladimir Ilyich Lenin" (10 gair / words), Medal Jiwbilî "50 Mlynedd o Luoedd Arfog yr Undeb Sofietaidd", Medal Jiwbilî "60 Mlynedd o Luoedd Arfog yr Undeb Sofietaidd", Medal Jiwbilî "70 Mlynedd o Luoedd Arfog yr Undeb Sofietaidd", Medal"Am Wasanaeth Arbennig", Medal Jiwbili "20 Mlynedd ers Buddugoliaeth Rhyfel Gwladgarol 1941–1945", Medal Llafur y Cynfilwyr, Medal "I gofio 850fed Pen-blwydd Moscaw, Medal"Yn Coffáu 1500 mlynedd Pen-blwydd Kiev", Cymhwyster dosbarth milwrol y peilot Edit this on Wikidata

Awdur o Rwsia oedd Marina Lavrentievna Popovich (20 Gorffennaf 1931 - 30 Tachwedd 2017) sy'n cael ei hystyried yn nodigedig am ei gwaith fel awyrenwr, peilot-prawf a pheiriannydd. Roedd yn gyrnol yn awyrlu Rwsia, ac yn 1964 hi oedd y ferch gyntaf o Rwsia i hedfan drwy'r mur sain.

Ganed Marina Lavrentievna Vasiliyeva yn Rhanbarth Velizhsky (Rwsieg: Ве́лижский райо́н) ffin gorllewinol eithaf Rwsia, a bu farw yn Krasnodar, ychydig i'r de o'i man geni. Cafodd gladdedigaeth wladwriaethol yn y 'Mynwent Coffa, Milwrol, Ffederal' ym Moscfa. Mae'n awdur ar naw llyfr a gelwyd seren yng nghytser Cancer ar ei hôl.[1]

Wedi gadael yr ysgol mynychodd Brifysgol Hedfan Sifil y Wladwriaeth, St Petersburg. Priododd Pavel Popovich. Roedd yn gymarol wleidyddol ei natur, ac yn ystod ei hoes bu'n aelod o Blaid Gomiwnyddol yr Undeb Sofietaidd.

Oherwydd ei gwaith ar y MiG, sef math arbennig o awyren cyflym, a elwir yn fighter jet, gelwid hi yn "Madame MiG".[2] Torrodd dros gant record yn y byd hedfan, gyda 40 math gwahanol o awyren.[2][3]

Magwraeth[golygu | golygu cod y dudalen]

Ganwyd Marina Vasilieva ym 1931 yn Ardal Velizhsky o Smolensk Oblast, ond symudodd gyda'i theulu i Novosibirsk, bron yng nghanol Rwsia, yn ystod yr Ail Ryfel Byd.[4]

Dechreuodd ddysgu hedfan fel plentyn ond, yn dilyn y rhyfel, gwaharddodd yr Undeb Sofietaidd fenywod rhag gwasanaethu fel peilotiaid milwrol. Yn 16 oed, gan gyflwyno ei hun fel 22 oed, ysgrifennodd at y cadlywydd Sofietaidd Kliment Voroshilov yn gofyn iddo ei derbyn i ysgol hedfan. Ymyrrodd Voroshilov ar ei rhan a chafodd ei derbyn i Technosum Hedfan Novosibirsk lle graddiodd yn 1951.[5]

Gwaith[golygu | golygu cod y dudalen]

Ar y dechrau, gweithiodd fel peiriannydd, ac yna'n ddiweddarach fel hyfforddwr hedfan. Yn 1962, aeth i mewn i'r grŵp cyntaf o fenywod a fyddai'n hyfforddi i ddod yn gosmonotau (gofodwyr) yn y rhaglen ofod Sofietaidd. Ar ôl dau fis o hyfforddiant, cafodd ei gwrthod o'r rhaglen.[4] Cafodd ei gŵr, Pavel Popovich, ei dderbyn i'r rhaglen, gan ddod yn wythfed person yn y gofod ar fwrdd Vostok 4 yn 1962.

Daeth yn beilot llawn yn y Llu Awyr Sofietaidd yn 1963, ac yn 1964 fe'i derbyniwyd fel peilot-prawf milwrol. Yn ddiweddarach y flwyddyn honno, torrodd y mur sain mewn MiG 21. Aeth i mewn i'r fyddin 'wrth-gefn' ym 1978 ac yna ymunodd â Biwro Cynllunio Antonov (Wcraineg: Державне підприємство "Антонов") fel peilot-prawf. Yno gosododd ddeg record hedfan ar awyren o'r enw'r "Antonov An-22". Ymddeolodd ym 1984.

Anrhydeddau[golygu | golygu cod y dudalen]

  • Dros y blynyddoedd, derbyniodd nifer o anrhydeddau, gan gynnwys: Medal Jiwbili "I Goffáu 100fed Pen-blwydd Geni Vladimir Ilyich Lenin" (10 gair / words), Medal Jiwbilî "50 Mlynedd o Luoedd Arfog yr Undeb Sofietaidd", Medal Jiwbilî "60 Mlynedd o Luoedd Arfog yr Undeb Sofietaidd", Medal Jiwbilî "70 Mlynedd o Luoedd Arfog yr Undeb Sofietaidd", Medal"Am Wasanaeth Arbennig", Medal Jiwbili "20 Mlynedd ers Buddugoliaeth Rhyfel Gwladgarol 1941–1945", Medal Llafur y Cynfilwyr, Medal "I gofio 850fed Pen-blwydd Moscaw, Medal"Yn Coffáu 1500 mlynedd Pen-blwydd Kiev", Cymhwyster dosbarth milwrol y peilot

Cyfeiriadau[golygu | golygu cod y dudalen]

  1. "Попович Марина Лаврентьевна". admin-smolensk.ru. Cyrchwyd 2011-01-01.
  2. 2.0 2.1 "Биография летчика-испытателя Марины Попович" (yn Russian). TASS. 2017-11-30. http://tass.ru/info/4774529.
  3. Russian Cosmonaut Marina Popovich discloses UFOs. - ExopoliticsTV interview with Alfred Lambremont Webre.
  4. 4.0 4.1 "Marina Popovich, Record-Breaking Soviet Test Pilot, Is Dead". New York Times. 2017-12-09. https://www.nytimes.com/2017/12/15/obituaries/marina-popovich-record-breaking-soviet-test-pilot-is-dead.html?.
  5. "Legendary female Soviet pilot and UFO hunter, Marina 'Madam MIG' Popovich, dies at 86". RT. 2017-11-30. https://www.rt.com/news/411498-record-holder-ufologist-dies/.