Lynn Davies

Lynn Davies
Lynn Davies yn Tocio ym 1964
Ganwyd	20 Mai 1942  Nant-y-moel
Dinasyddiaeth	y Deyrnas Unedig
Alma mater	Prifysgol Metropolitan Caerdydd
Galwedigaeth	cystadleuydd yn y Gemau Olympaidd
Taldra	1.83 metr
Pwysau	77 cilogram
Gwobr/au	CBE, MBE
Chwaraeon
Gwlad chwaraeon	Cymru

Cyn-athletwr Cymreig yw Lynn Davies CBE (ganwyd 20 Mai 1942, Nant-y-moel (Bro Morgannwg)). Daeth ei lwyddiant mwyaf yn y Gemau Olympaidd yn Tocio ym 1964 pan enillodd fedal aur annisgwyl yn y naid hir. Roedd wedi cyrraedd y rownd derfynol gydag anhawster, gan gyrraedd y nôd yn y rownd ragbrofol ar ei naid olaf o 7.78m, ond yn y rownd derfynol, mewn tywydd gwlyb ac oer, neidiodd 8.07 metr, 4 cm yn bellach na naid olaf yr Americanwr Ralph Boston. Yn ddiweddarach yn ei yrfa, enillodd fedalau aur ym Mhencampwriaethau Athletau Ewrop ym 1966 ac yng Ngemau'r Gymanwlad 1966 a 1970, a medal arian ym Mhencampwriaethau Ewrop 1969. Naid hwyaf ei yrfa oedd 8.23m yn Bern ym 1968. Cystadleuodd hefyd yn y ras gyfnewid 4x100m dros Brydain yn y Gemau Olympaidd ym 1964 ac ym Mhencampwriaethau Ewrop ym 1966.

Ef oedd Capten Tîm Prydain yng Ngemau Olympaidd 1972 a rheolwr tîm athletau Prydain o 1977 tan 1984. Fe yw llywydd presennol UK Athletics. Cafodd y CBE yn 2006.

Perfformiadau yn y naid hir yn y prif bencampwriaethau

Gemau Olympaidd

• 1964: 1af gyda 8.07m
• 1968: 9fed gyda 7.94m
• 1972: 18fed yn y rownd ragbrofol gyda 7.64m

Pencampwriaethau Ewrop

• 1962 11eg gyda 7.33m
• 1966 1af gyda 7.98m
• 1969 2il gyda 8.07m (gwynt cefn) ar ôl Ter-Owanesjan
• 1971 4ydd gyda 7,85 m

Pencampwriaethau Ewrop dan Do

• 1967: 1af gyda 7.85m
• 1969: 2il gyda 7.76m ar ôl Klaus Beer
• 1972: 8fed gyda 7.64m

Gemau'r Gymanwlad

• 1962: 4ydd gyda 7.72m
• 1966: 1af gyda 7.99m
• 1970: 1af gyda 8.06m

Gwobrau
Rhagflaenydd: Howard Winstone	Personoliaeth Chwaraeon Cymreig y Flwyddyn BBC Cymru 1964	Olynydd: Clive Rowlands
Rhagflaenydd: Clive Rowlands	Personoliaeth Chwaraeon Cymreig y Flwyddyn BBC Cymru 1966	Olynydd: Howard Winstone