Lucius Junius Brutus

Oddi ar Wicipedia
Neidio i: llywio, chwilio
Lucius Iunius Brutus

Roedd Lucius Junius Brutus, yn ôl hanes traddodiadol Rhufain, yn un o ddau gonswl cyntaf Gweriniaeth Rhufain.

Roedd yn fab i Tarquinia, chwaer y brenin Lucius Tarquinius Superbus. Ffugiodd dwpdra i osgoi perygl yn ystod teyrnasiad gormesol Tarquinius, a thrwy hynny cafodd yr enw "Brutus". Dechreuodd y digwyddiadau a arweiniodd at ddiwedd y frenhiniaeth yn Rhufain pan reibiodd mab y brenin, Sextus, wraig o'r enw Lucretia, gwraig Collatinus. Dywedodd Lucretia wrth ei gŵr beth oedd wedi digwydd, yna lladdodd ei hun. Ymunodd Collatinus a Lucius Junius Brutus i yrru Tarquinius a Sextus o Rufain, a sefydlu Gweriniaeth Rhufain. Daeth Brutus a Collatinus yn ddau gonswl cyntaf Rhufain.