Lori fechan
 | |
| Enghraifft o: | math o goetsh waith  |
|---|---|
| Math | lori |
| Dynodwyr | |
| Freebase | /M/0cvq3 |
 Ffeiliau perthnasol ar Gomin Wicimedia | |
Math o gerbyd modur yw lori fechan neu ar lafar picyp a chanddo gaban caeedig ar gyfer teithwyr a lle agored i ddal llwythi yn y cefn. Math o gerbyd pob pwrpas ydyw a ddylunir i gludo nwyddau ac offer. Dyluniwyd ac adeiladwyd y lori gyntaf ym 1896 gan Gottlieb Daimler o'r Almaen.[1]
Prif nodwedd y lori fechan yw'r lle gwastad, agored y tu cefn i'r cerbyd, sydd fel rheol yn rhoi mwy o le na chwt car, ond llai o le na chefn fan neu lori fawr. Yn debyg i lori wastad, nid oes to ar yr ardal gargo, er y gellir gosod cynfas neu orchudd tebyg i ddiogelu'r llwythi. Gall y cefn hefyd gynnwys tinddor a gaiff ei chau pan bo'r lori yn teithio.[2]
Mae esiamplau poblogaidd yn cynnwys y Ford F-150, y Chevrolet Silverado, y Toyota Tacoma, a'r Ram 1500. Maent yn gyffredin ym myd amaeth a'r diwydiannau adeiladu, ac ar gyfer gweithgareddau awyr agored.
Cyfeiriadau
[golygu | golygu cod]- ↑ Jeff MacGregor. "The Rugged History of the Pickup Truck". Smithsonian Magazine (yn Saesneg). Cyrchwyd 17 Ionawr 2025.
- ↑ Jim Travers. "An Illustrated History of the Pickup Truck". Car and Driver (yn Saesneg). Cyrchwyd 17 Ionawr 2025.
