Llyn Glas (Cwm Glas)

Oddi ar Wicipedia
Jump to navigation Jump to search
Llyn Glas
Math llyn Edit this on Wikidata
Daearyddiaeth
Sir Gwynedd Edit this on Wikidata
Gwlad Baner Cymru Cymru
Uwch y môr 2,300 Troedfedd Edit this on Wikidata
Cyfesurynnau 53.080733°N 4.063987°W Edit this on Wikidata
Erthygl am y llyn ger Crib Goch yw hon. Gweler hefyd Llyn Glas (gwahaniaethu).

Llyn yn Eryri, Gwynedd yw Llyn Glas. Fe'i lleolir i'r gogledd o'r Grib Goch, tua milltir i'r gogledd-ddwyrain o gopa'r Wyddfa a thua 4 milltir i'r de-ddwyrain o dref Llanberis.[1]

Llyn Glas a Chwm Glas
Llyn Glas

Saif y llyn bychan hwn 2,300 troedfedd[2] i fyny yng Nghwm Glas, cwm creigiog tua hanner milltir i'r gogledd o'r Grib Goch a thua 1.5 milltir i'r de o'r garreg filltir sydd hanner ffordd i fyny Bwlch Llanberis, rhwng Pen y Pas a phentref Nant Peris. Ceir ynys fechan yng nghanol y llyn. Mae Clogwyn y Person, crib serth sy'n adnabyddus am ei llwybrau dringo, yn ymestyn o lan y llyn i ben Crib Goch.[1]

Hen enwau[golygu | golygu cod y dudalen]

Does dim pysgod yn y llyn. Gerllaw, tua 100 llath i'r gorllewin, ceir llyn bychan iawn, heb enw ar y map. Yn ôl tystiolaeth lafar a nodir gan Frank Ward yn ei gyfrol The Lakes of Wales, arferid galw'r llynnoedd bychain hyn yn Ffynnon Felen a Ffynnon Frech ers talwm.[2]

Chwedl[golygu | golygu cod y dudalen]

Yn ôl traddodiad llafar lleol, ceir ogof ddu ger Llyn Glas lle cuddiodd y dewin Myrddin gadair aur ynghyd â gemau ac arian rhag eu dwyn gan y Sacsoniaid. Roedd hynny yn amser Gwrtheyrn.[2]

Cyfeiriadau[golygu | golygu cod y dudalen]

  1. 1.0 1.1 Map OS 1:50,000 Landranger 115 Caernarfon a Bangor.
  2. 2.0 2.1 2.2 Frank Ward, The Lakes of Wales (Herbert Jenkins, Llundain, 1931).