Llyfrgell Genedlaethol Tiwnisia
.jpg) | |
| Math | llyfrgell genedlaethol, adeilad llyfrgell  |
|---|---|
| Sefydlwyd |
|
| Daearyddiaeth | |
| Lleoliad | Tiwnis |
| Gwlad |  Tiwnisia |
| Uwch y môr | 46 metr |
| Cyfesurynnau | 36.79996°N 10.164027°E |
 | |
| Arddull pensaernïol | pensaernïaeth Islamaidd |
| Cost | 26,000,000 Dinar Tunisiaidd |
Prif storfa gyfreithiol a hawlfraint Tiwnisia yw Llyfrgell Genedlaethol Tiwnisia (Arabeg: المكتبة الوطنية التونسية ; Ffrangeg: Bibliothèque nationale de Tunisie).
Sefydlwyd y llyfrgell yn Nhiwnis ym 1885 fel y Bibliothèque francaise ('Llyfrgell Ffrengig'). Newidiwyd yr enw a chreu llyfrgell genedlaethol swyddogol ar ôl i Diwnisia ennill ei hannibyniaeth ar Ffrainc ym 1956. Yn 2005 symudodd o'r hen adeilad ym medina Tiwnis i adeilad newydd ar Boulevard 9 avril, ger Archifdy Cenedlaethol Tiwnisia. Cafodd yr adeilad newydd ei agor yn swyddogol gan Zine El Abidine Ben Ali, Arlywydd Tiwnisia, ar 1 Rhagfyr 2005.[1]
Llyfrau a llawysgrifau
[golygu | golygu cod]Mae adran llawysgrifau'r llyfrgell yn cynnwys dros 40,000 teitl mewn 24,000 cyfrol. Dyma un o'r casgliadau llawysgrifau Arabeg mwyaf yn y byd sy'n cynnwys sawl cyfrol brin iawn ac sy'n rhychwantu tua 14 can mlynedd o ddysg, gwyddoniaeth a llenyddiaeth Arabaidd.[2]
Mae'r adran llyfrau printiedig yn cynnwys llyfrau o'r 16g hyd heddiw ar sawl pwnc. Llyfrau Arabeg a Ffrangeg yw'r rhan fwyaf o'r rhain, ond ceir cyfrolau mewn tua hanner cant o ieithoedd eraill hefyd.[2]
Cyfeiriadau
[golygu | golygu cod]- ↑ "Gwefan (Ffrangeg)". Archifwyd o'r gwreiddiol ar 2009-01-02. Cyrchwyd 2009-04-17.
- 1 2 "copi archif". Archifwyd o'r gwreiddiol ar 2009-01-02. Cyrchwyd 2009-04-17.
Dolenni allanol
[golygu | golygu cod]- (Arabeg) (Ffrangeg) (Saesneg) Gwefan swyddogol Archifwyd 2005-10-24 yn y Peiriant Wayback
