Liam Ó Flaitheartaigh

Oddi ar Wicipedia
Neidio i: llywio, chwilio
Liam Ó Flaitheartaigh
Liam O'Flaherty.jpeg
Ganwyd 28 Awst 1896 Edit this on Wikidata
Inis Mór Edit this on Wikidata
Bu farw 7 Medi 1984, 7 Gorffennaf 1984 Edit this on Wikidata (88 oed)
Dulyn Edit this on Wikidata
Alma mater Prifysgol Dulyn Edit this on Wikidata
Gwaith Sgriptiwr, awdur, nofelydd, dramodydd Edit this on Wikidata
Gwobr/au Gwobr Goffa James Tait Black Edit this on Wikidata

Llenor Gwyddelig, yn ysgrifennu mewn Saesneg a Gwyddeleg, oedd Liam Ó Flaitheartaigh neu Liam O'Flaherty (28 Awst, 1896 - 7 Medi, 1984). Ystyrir ef yn un o nofelwyr ac awdur storïau byrion pwysicaf yr Adfywiad Gwyddelig.

Ganed ef ym mhentref Gort na gCapall ar ynys Inis Mór yn Ynysoedd Arann. Fel y rhan fwyaf o boblogaeth yr ynys, roedd y teulu yn Wyddeleg ei iaith, ond nid oedd ei deulu yn gefnogol i'r iaith. Yn 1908 ymadawodd i fynd i nifer o golegau, yn cynnwys Prifysgol Dulyn. Ymddengys ei fod wedi bwriadu mynd yn offeiriad, ond yn 1917 ymunodd a'r Fyddin Brydeinig a bu'n ymladd yn y Rhyfel Byd Cyntaf.

Wedi'r rhyfel, symudodd i'r Unol Daleithiau, lle bu'n byw yn Hollywood am gyfnod. Roedd y cyfarwyddwr ffilmiau John Ford yn gefnder iddo, ac yn ddiweddarach gwnaeth ffilm o nofel Ó Flaitheartaigh, The Informer.

Cyhoeddodd Ó Flaitheartaigh ei nofel gyntaf, Thy Neighbour's Wife, yn 1924. Ystyrir Dúil, a gyhoeddodd tua diwedd ei oes, yn un o lyfrau gorau yr iaith Wyddeleg yn yr 20g.