Neidio i'r cynnwys

Katharine, Duges Caint

Oddi ar Wicipedia
Katharine, Duges Caint
FfugenwKatharine Kent Edit this on Wikidata
Ganwyd22 Chwefror 1933 Edit this on Wikidata
Hovingham Hall Edit this on Wikidata
Bu farw4 Medi 2025 Edit this on Wikidata
Palas Kensington Edit this on Wikidata
Man preswylCoppins, Hovingham Hall, York House, St. James's Palace, Anmer Hall, Wren House Edit this on Wikidata
DinasyddiaethBaner Y Deyrnas Unedig Y Deyrnas Unedig
Alma mater
  • Queen Margaret's School, York Edit this on Wikidata
Galwedigaethathro cerdd, dyngarwr, pendefig Edit this on Wikidata
TadSir William Worsley, 4th Baronet Edit this on Wikidata
MamJoyce Brunner Edit this on Wikidata
PriodPrince Edward Edit this on Wikidata
PlantGeorge Windsor, Earl of St Andrews, Helen Taylor, Lord Nicholas Windsor, Lord Patrick Windsor Edit this on Wikidata
LlinachTŷ Windsor Edit this on Wikidata
Gwobr/auBonesig Uwch Groes Urdd y Fictoria Frenhinol, Queen Elizabeth II Silver Jubilee Medal, Medal Jiwbilî Deimwnt y Frenhines Elisabeth II, Medal Jiwbilî Aur y Frenhines Elisabeth II, Medal Coroni’r Brenin Charles III, Medal Jiwbilî Platinwm y Frenhines Elizabeth II o Loegr, Urdd Teulu Brenhinol Elisabeth II Edit this on Wikidata
llofnod

Roedd Katharine, Duges Caint (ganwyd Katharine Lucy Mary Worsley; 22 Chwefror 1933 – 4 Medi 2025) yn aelod o deulu brenhinol Prydain. Roedd hi'n briod â'r Tywysog Edward, Dug Caint, ŵyr i Siôr V. Roedd hi'n gweithio i elusen ac roedd hi'n un o aelodau mwyaf poblogaidd y teulu brenhinol.[1] Roedd hi'n adnabyddus am ei steil perffaith.[2]

Cafodd Katharine Lucy Mary Worsley ei geni yn Neuadd Hovingham, Swydd Efrog, y pedwerydd plentyn a'r unig ferch i Syr William Worsley, 4ydd Barwnig, a'i wraig Joyce Morgan Brunner (1895–1979), unig ferch Syr John Brunner, 2il Farwnig. [3] [4] Bedyddiwyd hi yn Eglwys yr Holl Saint, Hovingham. [5]

Cafodd Worsley ei haddysg yn Ysgol y Frenhines Margaret, Efrog, ac yn Ysgol Runton Hill yng Ngogledd Norfolk.[6] Yn yr ysgol yna, cyflwynwyd cerddoriaeth iddi, a dysgwyd iddi chwarae'r piano, yr organ a'r ffidil . Drwy gydol ei bywyd fel oedolyn, cerddoriaeth oedd un o'i diddordebau arbennig. [7] [8]

Roedd ei haddysg ffurfiol yn gyfyngedig iawn. Yn ddiweddarach, gweithiodd am gyfnod mewn cartref plant yn Efrog a gweithiodd mewn ysgol feithrin yn Llundain. [9] Aeth i Rydychen i astudio yn Ysgol Miss Hubler, 22 Stryd Merton, lle roedd hi'n un o wyth disgybl. [10]

Cyfarfu Worsley â'r Tywysog Edward, mab hynaf y Tywysog George, Dug Caint, a'r Dywysoges Marina o Wlad Groeg a Denmarc, tra roedd yn byw yng Ngwersyll Catterick . [11] Ar 8 Mehefin 1961, priododd y cwpl yn Eglwys Gadeiriol Efrog.[12] (Roedd y Dywysoges Anne yn un o'r morwynion priodas.)[12] Cynhaliodd Archesgob Efrog Michael Ramsey (yn ddiweddarach Archesgob Caergaint) y gwasanaeth priodas. [12] Dyluniwyd ei ffrog rhwyllen sidan wen gan John Cavanagh. Defnyddiodd 273 llath o ffabrig ac roedd ganddi "wddf uchel a llewys hir a threnau awdurdodol". Daeth y ffrog yn enwog a chafodd ei chopïo gan ddylunwyr sawl gwaith.

Roedd gan y cwpl dri o blant:

  • George, Iarll St Andrews (ganwyd 26 Mehefin 1962)
  • Y Fonesig Helen Taylor (ganwyd 28 Ebrill 1964)[13]
  • Yr Arglwydd Nicholas Windsor (ganwyd 25 Gorffennaf 1970)

Roedd ganddi ddeg o wyrion ac wyresau.

Cafodd y Dduges gamesgoriad ym 1975 [14] oherwydd rwbela , a rhoddodd enedigaeth i fab marw-anedig, Patrick, ym 1977.[14] [15] Wedi hynny, dioddefodd o iselder difrifol. Dywedodd ei fod wedi ei helpu i ddeall menywod eraill oedd wedi dioddef yr un colledion [15]

Trodd y Dduges yn ffurfiol i'r Eglwys Gatholig Rufeinig ym 1994, [16] gan ddod y cyntaf o aelodau teulu brenhinol Prydain i wneud hynny mewn dros 300 mlynedd. [17] Cafodd ganiatâd y Frenhines, Elisabeth II, brenhines y Deyrnas Unedig.

Penderfynodd y Dduges yn 2002 beidio â defnyddio'r arddull "Ei Huchelder Brenhinol". Gostyngodd ei dyletswyddau brenhinol hefyd. O hynny ymlaen, roedd hi'n cael ei hadnabod yn anffurfiol fel Katharine Kent, neu Katharine, Duges Caint, er bod ei steil ffurfiol yn parhau i fod yn Ei Huchelder Brenhinol Duges Caint. [18] Parhaodd hi i ymddangos mewn digwyddiadau mawr gan gynnwys priodas y Tywysog William a Catherine Middleton yn 2011 a phriodas y Tywysog Harry a Meghan Markle yn 2018. [19] [20] Ni fynychodd angladd y Frenhines Elisabeth II yn 2022 na choroni'r Brenin Siarl III yn 2023. [21]

Bu farw'r Dduges ym Mhalas Kensington ar 4 Medi 2025, yn 92 oed. [22]

Cyfeiriadau

[golygu | golygu cod]
  1. ↑ "The duchess who retreated from royal spotlight for low-key life as a teacher". The Independent (yn Saesneg). 2025-09-05. Cyrchwyd 2025-09-05.
  2. ↑ Tregaskes, Chandler (2022-02-22). "Fresh fashion forever: 90 years of the Duchess of Kent's elegant style, as it is announced she has died". Tatler (yn Saesneg). Cyrchwyd 2025-09-05.
  3. ↑ Mosley, Charles, gol. (2003). Burke's Peerage, Baronetage & Knighthood (arg. 107). Burke's Peerage & Gentry. tt. 4243–4244. ISBN 0-9711966-2-1.
  4. ↑ Cathcart, Helen (1971). The Duchess of Kent (arg. First). London: W.H. Allen. t. 31.
  5. ↑ "Christenings". The Times. 3 Ebrill 1933. t. 17.
  6. ↑ Cathcart, Helen (1971). The Duchess of Kent (arg. First). London: W.H. Allen. t. 61.
  7. ↑ Cathcart, Helen (1971). The Duchess of Kent (arg. First). London: W.H. Allen. t. 67.
  8. ↑ Cathcart, Helen (1971). The Duchess of Kent (arg. First). London: W.H. Allen. t. 68.
  9. ↑ "The Army wife who would occasionally don a tiara". The Telegraph. 19 Mehefin 1999. Archifwyd o'r gwreiddiol ar 26 Chwefror 2016. Cyrchwyd 24 Mawrth 2018.
  10. ↑ Cathcart, Helen (1971). The Duchess of Kent. London: W.H. Allen. t. 71.
  11. ↑ "Engagement Of The Duke Of Kent To Miss Katharine Worsley (1961)". British Pathé. YouTube. 13 Ebrill 2014. Archifwyd o'r gwreiddiol ar 2025-09-13. Cyrchwyd 15 Mai 2018.CS1 maint: BOT: original-url status unknown (link)
  12. ↑ 12.0 12.1 12.2 "Wedding At York Wedding Of Prince Edward". Britishpathe.com. British Pathé. 3 Ionawr 2010. Archifwyd o'r gwreiddiol ar 7 Gorffennaf 2012. Cyrchwyd 13 Mawrth 2017.
  13. ↑ "'The most iconic royal wedding gowns of all time". Harper's Bazaar. 13 Ebrill 2018. Cyrchwyd 16 Mai 2018.
  14. ↑ 14.0 14.1 Carpenter, Julie (22 Chwefror 2013). "Duchess of Kent: The reluctant royal at 80". Express.co.uk (yn Saesneg). Cyrchwyd 3 Ebrill 2020.
  15. ↑ 15.0 15.1 "I lost my baby at nine months .. it devastated me; The Duchess of Kent reveals the stillbirth that led to a breakdown". The Mirror. 23 Rhagfyr 1997. Cyrchwyd 26 Mawrth 2016.
  16. ↑ "BBC ON THIS DAY | 14 | 1994: Duchess of Kent joins Catholic church". BBC News. 14 Ionawr 2002. Cyrchwyd 13 Mawrth 2017.
  17. ↑ Evans, Holly (5 Medi 2025). "Duchess of Kent death: Royal who converted to Catholicism, dies aged 92". The Independent. Cyrchwyd 5 Medi 2025.
  18. ↑ "About The Duchess of Kent". Royal UK. Cyrchwyd 20 Tachwedd 2017.
  19. ↑ Walker, Tim (6 Mehefin 2012). "The Queen – and Sir Cliff Richard – tempt the Duchess of Kent back into the limelight". The Telegraph. Archifwyd o'r gwreiddiol ar 12 Ionawr 2022. Cyrchwyd 24 Mawrth 2018.
  20. ↑ "The Royal wedding guest list in full". 22 Mai 2018. Archifwyd o'r gwreiddiol ar 22 Mai 2018. Cyrchwyd 22 Mai 2018.
  21. ↑ Morris, Nicky (19 Medi 2022). "The one royal family member who did not attend the Queen's funeral". Hello!. Cyrchwyd 21 Medi 2022.
  22. ↑ Coughlan, Sean (5 Medi 2025). "Katharine, Duchess of Kent dies aged 92". BBC News. Cyrchwyd 5 Medi 2025.
Wedi dod o "https://cy.wikipedia.org/w/index.php?title=Katharine,_Duges_Caint&oldid=14293112"