José Pedro Díaz

José Pedro Díaz
José Pedro Díaz
Ganwyd	12 Ionawr 1921 ; Montevideo
Bu farw	3 Gorffennaf 2006, 2 Gorffennaf 2006 ; Montevideo
Dinasyddiaeth	Wrwgwái
Galwedigaeth	ysgrifennwr, athro cadeiriol, awdur ysgrifau, beirniad llenyddol, bardd
Priod	Amanda Berenguer

Bardd, nofelydd, ysgrifwr, a beirniad llenyddol o Wrwgwái yn yr iaith Sbaeneg oedd José Pedro Díaz (12 Ionawr 1921 – 3 Gorffennaf 2006). Roedd efe a'i wraig, y bardd Amanda Berenguer, yn aelodau La Generación del 45, mudiad o lenorion Wrwgwaiaidd a flodeuai yng nghanol yr 20g. Yn ogystal â'i farddoniaeth a'i nofelau, mae Díaz yn nodedig am ei feirniadaeth sy'n ymdrin â llên Ffrainc.

Priodasant Díaz a Berenguer yn nechrau eu hugeiniau, a thra'n byw gyda'i theulu hi fe wnaethon nhw sefydlu gwasg La Galatea yn y garej. Derbyniodd Díaz rodd ariannol yn 1950 ac aeth i Wlad Belg fel swyddog diwylliannol anrhydeddus, a thros y ddwy flynedd olynol daeth y ddau ohonynt yn gyfarwydd â ffigurau a mudiadau llenyddol Ewrop.^[1]

Yn ogystal â'i feriniadaeth sy'n ymdrin â llên ei famwlad, gan gynnwys astudiaethau ganddo o Felisberto Hernández a Delmira Agustini, enillodd Díaz enw fel un o'r beirniaid amlycaf yn America Ladin i ysgrifennu am lenorion Ffrengig, megis Honoré de Balzac ac André Gide. Cyhoeddodd nifer o'i ysgrifau yn y cylchgrawn wythnosol Correo de los viernes. Ysgrifennodd hefyd astudiaethau beirniadol o waith y bardd Sbaenaidd Gustavo Adolfo Bécquer, a gesglid mewn cyfrol a gyhoeddwyd yn 1953.^[2]

Fel awdur ffuglen, cydnabyddir Díaz am ei nofelau Los fuegos de San Telmo (1964), sy'n ymwneud ag hanes yr Wrwgwaiaid o dras Eidalaidd, a Partes de naufragios (1969), stori am fywyd ym Montevideo yn y 1930au a'r 1940au.^[2]

Cyfeiriadau[golygu | golygu cod]

↑ Renee Sum Scott, "Berenguer, Amanda" yn Latin American Women Writers: An Encyclopedia, golygwyd gan María Claudia André ac Eva Paulino Bueno (Efrog Newydd: Routledge, 2008).
↑ ^2.0 ^2.1 (Saesneg) William H. Katra, "Díaz, José Pedro (1921–2006)" yn Encyclopedia of Latin American History and Culture (Gale, 2008). Adalwyd ar 29 Mai 2019.

Darllen pellach[golygu | golygu cod]

Marie J. Peck, "José Pedro Díaz y Hemingway: una mitología comparada", Texto Crítico 12: 34-35 (1986), tt. 189–203.

[1] Renee Sum Scott, "Berenguer, Amanda" yn Latin American Women Writers: An Encyclopedia, golygwyd gan María Claudia André ac Eva Paulino Bueno (Efrog Newydd: Routledge, 2008).

[Katra-2] 2.0 ^2.1 (Saesneg) William H. Katra, "Díaz, José Pedro (1921–2006)" yn Encyclopedia of Latin American History and Culture (Gale, 2008). Adalwyd ar 29 Mai 2019.

[1]

[2]