Jonathan Miller

Oddi ar Wicipedia
Jump to navigation Jump to search
Jonathan Miller
Jonathan Miller appearing on "After Dark", 3 September 1988.jpg
Ganwyd21 Gorffennaf 1934 Edit this on Wikidata
Bu farw27 Tachwedd 2019 Edit this on Wikidata
Llundain Edit this on Wikidata
Alma mater
Galwedigaethactor, cyfarwyddwr theatr, meddyg, cyflwynydd teledu Edit this on Wikidata
TadLuis Monti Edit this on Wikidata
Gwobr/auGwobr Laurence Olivier, CBE, Medal Albert, Fellow of the Royal College of Physicians of London, Cymrawd Cymdeithas y Linnean, Marchog Faglor, Fellow of the Royal College of Physicians of Edinburgh Edit this on Wikidata

Cyfarwyddwr a chynhyrchydd theatr ac opera, actor, awdur, a meddyg Seisnig oedd Syr Jonathan Wolfe Miller (21 Gorffennaf 193427 Tachwedd 2019).[1]

Ganed yn St John's Wood, Dinas Westminster, yng nghanol Llundain, yn fab i seiciatrydd a nofelydd. Derbyniodd ei radd o Goleg Sant Ioan, Caergrawnt, ym 1956, a derbyniodd ei radd feddygol o Ysgol Feddygaeth Coleg y Brifysgol, Prifysgol Llundain, ym 1959.

Ymddangosodd Miller ar lwyfan yn gyntaf yng Ngŵyl Caeredin ym 1961, yn un o actorion ac awduron y sioe ddychan Beyond the Fringe. Dechreuodd ysgrifennu sgriptiau teledu ym 1963. Denodd sylw o ganlyniad i'w gynyrchiadau herfeiddiol o glasuron Shakespeare a Sheridan. Fe'i penodwyd yn gyfarwyddwr cyswllt Theatr Genedlaethol Lloegr ym 1973, ond ni chafodd gyfleoedd i dorri tir newydd a fe benderfynodd ymddeol ym 1975. Bu'n weithgar ym myd opera ac ar y teledu yn ogystal â'r theatr.

Yn y 1980au gweithiodd am gyfnod yn gymrwd ymchwil ar bwnc niwroseicoleg ym Mhrifysgol Sussex. Gweithiodd Miller yn gyfarwyddwr artistig yn theatr yr Old Vic yn Llundain o 1988 i 1990. Ysgrifennodd a chyflwynodd sawl gyfres deledu ffeithiol, gan gynnwys The Body in Question (1978), Madness (1991), ac Atheism: A Rough History of Disbelief (2004). Cafodd ei urddo'n farchog yn 2002. Bu farw yn Llundain yn 85 oed, wedi iddo ddioddef clefyd Alzheimer.

Cyfeiriadau[golygu | golygu cod y dudalen]

  1. (Saesneg) Michael Coveney, "Sir Jonathan Miller obituary", The Guardian (27 Tachwedd 2019). Adalwyd ar 31 Mai 2020.