John Trevor (1596–1673)

Oddi ar Wicipedia
Jump to navigation Jump to search

Piwritan, tirfeddiannwr ystad Trefalun ac Aelod Seneddol oedd John Trevor (ac weithiau, er mwyn gwahaniaethu, John Trevor II; 1596–1673), a ochrai gyda'r Pengryniaid yn Rhyfel Cartref Lloegr. Bu'n AS ar adegau rhwng 1621 a 1659. Roedd yn aelod o'r English Council of State yn ystod Gwerinlywodraeth Lloegr.

Ei dad oedd Sion Trevor (1563–1630), ail fab Sion Trefor (m. 1589), a gododd faenordy Trefalun (neu Drefalyn) yn 1576 ac yno y ganwyd John Trevor. Ei fam oedd Margaret Trevanion (1565-1646). Mab hynaf Sion, ac etifedd yr ystad, oedd Richard Trefor (1558 - 1638) a gafodd bedair o ferched gyda'i wraig Catrin, merch Roesier Puleston o Emral; oherwydd hyn, trosglwyddwyd yr ystad i'w nai, John. Roedd ei dad yn Weinydd y llynges a gwleidydd, yn Aelod Seneddol dros Sir Ddinbych ac a wnaed yn farchog yn 1619.

Dilyn ôl ei droed wnaeth John Trevor i raddau, gan ddod yn AS dros Grampound, Cernyw yn Nhachwedd 1640. Roedd ei fam yn un o deulu Trevanion, Cernyw, yn ferch i Edmund Hampden (1572-1627) ac Eleanor. Cawsant chwech o blant: John, (1626-1672), Richard (1590-1676), Ralph, Mary (1626-1656), Anne a Jane.[1]

Ochrodd gyda'r Seneddwyr ac ymddengys iddo gynrychioli Gogledd Cymru ar nifer o bwyllgorau am gyfnod, yn Llundain.

Olyniaeth[golygu | golygu cod y dudalen]

Dilynwyd ef gan ei fab o'r un enw, Syr John Trevor (1626–1672), a oedd hefyd yn AS, ar yr un pryd a'i dad yn ystod Gwerinlywodraeth Lloegr ac a ddaeth yn Ysgrifennydd Gwladol yn 1668.

Y teulu Trefor[golygu | golygu cod y dudalen]

Ceir sawl aelod dylanwadol iawn o'r teulu gan gynnwys (yn nhrefn dyddiad marw):

  • Richard Trefor (m. 1614), aelod o Doctors’ Commons (18 Chwefror 1598), a barnwr yn llys y llynges, i John Trevor ( Coote, Civilians, 65; McClure, Letters of J. Chamberlain, i, 544-5).[2]
  • Syr Sion Trefor I (m. 1630), gweinydd y llynges a gwleidydd.
  • Syr Sackville Trefor (c.1565-1633), morwr.
  • Syr Richard Trefor (1558 - 1638), milwr, gwleidydd a gweinyddwr yn Iwerddon.
  • John Trevor (g. c. 1652).
  • Syr Thomas Trefor (1572 - 1656), barnwr.
  • Syr John Trefor III (1626 - 1672), ysgrifennydd y wladwriaeth.
  • Syr Thomas Trefor (1612 - 1676), cyfrifydd y Duchy of Lancaster.
  • Richard Trefor (m. 1676), hynafiaethydd .
  • Thomas Trefor (1658 - 1750), y barwn Trefor (o Drefalun) 1af, a barnwr.
  • Richard Trefor (1707 - 1771), esgob Tyddewi a Durham.

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. clement-jones.com; adalwyd 12 Chwefror 2017.
  2. (Coote, Civilians, 65; McClure, Letters of J. Chamberlain, i, 544-5).