John Pritchard (Gaerwenydd)

Oddi ar Wicipedia
Jump to navigation Jump to search
John Pritchard
Ffugenw Gaerwenydd Edit this on Wikidata
Ganwyd Ebrill 1837 Edit this on Wikidata
Gaerwen Edit this on Wikidata
Bu farw 31 Rhagfyr 1898 Edit this on Wikidata (61 oed)
Bethesda Edit this on Wikidata
Dinasyddiaeth Baner Cymru Cymru
Galwedigaeth bardd Edit this on Wikidata

Bardd Cymraeg ac arweinydd eisteddfodol oedd John Pritchard (Ebrill 183731 Rhagfyr 1898), a adwaenid gan amlaf wrth ei enw barddol Gaerwenydd. Roedd yn frodor o Ynys Môn.[1]

Bywgraffiad[golygu | golygu cod y dudalen]

Ganed Gaerwenydd yn Ebrill 1837 yn y Gaerwen, Sir Fôn. Roedd ei fam yn chwaer i'r Parch. Daniel Rowlands, Bangor, a'i dad yn deiliwr. Dysgodd grefft ei dad. Symudodd pan yn ifanc i fyw ym Methesda, Arfon, ac yno y treuliodd weddill ei oes. Bu farw ar y 31ain o Ragfyr 1898; claddwyd ef ym mynwent Glanogwen, Bethesda.[1]

Bardd ac arweinydd eisteddfodol[golygu | golygu cod y dudalen]

Dechreuodd farddoni yn ieuanc. Enillodd sawl cadair eisteddfodol yn cynnwys eisteddfod Bethesda 1866, y Gaerwen 1883 (testun: "Yr Anturiaethwr") a Ffestiniog 1890 (testun: "Y Gweithiwr"). Bu mwy nag unwaith ymhlith y goreuon am Gadair yr Eisteddfod Genedlaethol. Cyfansoddodd nifer o englynion a cherddi eraill a gyhoeddwyd yn y cylchgronau Cymraeg.[1]

Daeth i fri fel arweinydd eisteddfodol: "Cadwai dorf mewn tymer dda drwy'i ffraethineb a'i ddawn barod i lunio llinellau cynganeddol cywrain a gafaelgar."[1]

Cyfeiriadau[golygu | golygu cod y dudalen]

  1. 1.0 1.1 1.2 1.3 R. Môn Williams, Enwogion Môn 1850-1912 (Caernarfon, 1913).

Gweler hefyd[golygu | golygu cod y dudalen]