John Morgan (Aberconwy)
| John Morgan | |
|---|---|
| Ganwyd | 1662  |
| Bu farw | 14 Medi 1701 |
| Dinasyddiaeth | Teyrnas Lloegr |
| Alma mater | |
| Galwedigaeth | gweinidog yr Efengyl, bardd |
Clerigwr Anglicanaidd ac awdur o Gymru oedd John Morgan (1662 – 14 Medi 1701), y cyfeirir ato gan amlaf fel "John Morgan, Ficer Aberconwy".[1]
Gyrfa
[golygu | golygu cod]Ychydig iawn a wyddys am fywyd yr awdur. Daeth yn Ficer Aberconwy (sef plwyf a thref Conwy, Sir Conwy) yn rhan olaf yr 17g.
Fel llenor, cyfieithodd waith crefyddol Saesneg a'i gyhoeddi fel Eglurhad byrr ar Gatechism yr Eglwys (1699). Ysgrifennodd waith gwreiddiol hefyd, sef Bloedd-nad Ofnadwy yr Udcorn Diweddaf, a gyhoeddwyd yn 1704 ar ôl ei farwolaeth. Mae'r gwaith hwnnw yn cynnwys pregeth, adran o gerddi Cymraeg, ac adran i ddysgu Cymry anllythrennog sut i ddarllen Cymraeg, sef "Hyfforddiad i'r anllythrennog i ddysgu darllen Cymraeg."[2]
Llyfryddiaeth
[golygu | golygu cod]- Eglurhad byrr ar Gatechism yr Eglwys (1699)
- Bloedd-nad Ofnadwy yr Udcorn Diweddaf (1704)