Jane Dodds

Oddi ar Wicipedia
Jump to navigation Jump to search
Jane Dodds
Jane Dodds at Brighton 2018.jpg
Ganwyd 23 Medi 1963 Edit this on Wikidata
Wrecsam Edit this on Wikidata
Dinasyddiaeth Baner Cymru Cymru
Alma mater
Galwedigaeth Gwleidydd, gweithiwr cymdeithasol Edit this on Wikidata
Swydd Aelod o Senedd 57 y Deyrnas Unedig Edit this on Wikidata
Plaid Wleidyddol Democratiaid Rhyddfrodol Cymreig Edit this on Wikidata
Gwefan https://www.janedodds.wales/ Edit this on Wikidata

Jane Dodds (ganwyd 23 Medi 1963) yw Arweinydd Democratiaid Rhyddfrydol Cymru, ar ôl cael ei hethol i'r swydd yn 2017. Ers isetholiad 1 Awst 2019 Brycheiniog a Sir Faesyfed hi yw Aelod Seneddol yr etholaeth.

Bywyd cynnar a phersonol[golygu | golygu cod y dudalen]

Cafodd Dodds ei geni a'i magu yn Wrecsam. Mae hi'n siaradwr Cymraeg. Astudiodd ym Mhrifysgol Caerdydd ac ers hynny mae wedi hyfforddi i fod yn weithiwr cymdeithasol, gan weithio i Fyddin yr Iachawdwriaeth mewn Gwasanaethau Amddiffyn Plant. Mae hefyd wedi gweithio mewn nifer o awdurdodau lleol, yn ogystal ag arwain Adran Plant Cyngor y Ffoaduriaid.

Bywyd gwleidyddol[golygu | golygu cod y dudalen]

Etholwyd Dodds yn un o dri chynghorydd yn ward Gogledd Richmond, Cyngor Bwrdeistref Richmond upon Thames, Llundain yn 2006. Ar ôl colli ei sedd yn 2010, roedd yn ymgeisydd isetholiad ar gyfer yr un ward ym mis Mai 2012, lle dywedwyd ei bod ei hymgyrch wedi dioddef o herwydd taflenni ffug a gynhyrchwyd yn ei henw. [1]

Yn etholiadau cyffredinol San Steffan 2015 a 2017, safodd yn y cyn sedd Democratiaid Rhyddfrydol Trefaldwyn a ddalwyd gan y blaid (yn fwyaf diweddar) o 1983 i 2010 gan Alex Carlile ac yna Lembit Öpik. Fe wnaeth gystadlu yn etholaeth gyfatebol Maldwyn yn etholiad Cynulliad Cymru, 2016. Daeth Dodds a'r Democratiaid Rhyddfrydol yn ail ar bob ymgais, gyda'r ymgeisydd Ceidwadol yn cael ei ethol bob tro.

Yn 2019 cafodd ei dewis fel ymgeisydd San Steffan ar gyfer isetholiad Brycheiniog a Sir Faesyfed [2] wedi i'r aelod ar y pryd, Christopher Davies cael ei adalw [3] ar ôl pledio'n euog i gyhuddiad o dwyllo wrth gyflwyno hawliad am dreuliau seneddol [4]. Penderfynodd Plaid Cymru [5] a'r Blaid Werdd i beidio â chodi ymgeisydd i sefyll yn yr isetholiad er mwyn gwella cyfle Dodds i ennill. Roedd Plaid Cymru, y Blaid Werdd a'r Democratiaid Rhyddfrydol yn cefnogi aros yn yr Undeb Ewropeaidd. Y gred oedd mai'r Rhyddfrydwyr Democrataidd oedd y blaid aros fwyaf tebygol o ennill yr etholiad. [6]

Cynhalwyd yr isetholiad ar 1 Awst 2019 gyda Dodds yn llwyddo i gipio'r sedd. [7]

Senedd y Deyrnas Unedig
Rhagflaenydd:
Christopher Davies
Aelod Seneddol dros Frycheiniog a Sir Faesyfed
2019
Olynydd:
deiliad


Cyfeiriadau[golygu | golygu cod y dudalen]

  1. "Police Investigate Fake Election Leaflets" (yn en-GB). HuffPost UK. 2012-05-12. http://www.huffingtonpost.co.uk/2012/05/12/police-investigate-fake-election-leaftlets_n_1511709.html.
  2. Welsh Liberal Democrats (9 March 2019). "Jane Dodds selected to fight Brecon and Radnorshire". Welsh Liberal Democrats. Cyrchwyd 21 Gorffennaf 2019.
  3. Cyngor Powys - Hysbysiad cyhoeddus o'r ddeiseb i adalw AS Brycheiniog a Sir Faesyfed Chris Davies adalwyd 21 Gorffennaf 2019
  4. Golwg360 25 Ebrill 2019 Chris Davies yn wynebu deiseb i’w ddiswyddo adalwyd 21 Gorffennaf 2019
  5. Golwg360 5 Gorffennaf 2019 Is-etholiad Brycheiniog a Maesyfed: Plaid Cymru ddim yn sefyll adalwyd 21 Gorffennaf 2019
  6. BBC Cymru Fyw 5 Gorffennaf 2019 Chwe ymgeisydd yn isetholiad Brycheiniog a Sir Faesyfed adalwyd 21 Gorffennaf 2019
  7. BBC Cymru Fyw Democratiaid Rhyddfrydol yn ennill isetholiad arwyddocaol adalwyd 2 Awst 2019