Is Cennen
Cwmwd canoloesol yn gorwedd yn y Cantref Bychan yn Ystrad Tywi, de-orllewin Cymru, oedd Is Cennen. Roedd yn rhan o deyrnas Deheubarth ac yn ddiweddarach daeth yn rhan o Sir Gaerfyrddin.
Gorweddai Is Cennen yn rhan ddeheuol y Cantref Bychan. Ffiniai â Cwmwd Perfedd, i'r gogledd, yn y Cantref Bychan, rhan o deyrnas Gŵyr i'r de, Cydweli i'r de-orllewin, ac a chymydau Gwidigada, Catheiniog a Maenor Deilo yn Y Cantref Mawr i'r gogledd.
Gorweddai'r cwmwd ar lan ddeheuol Afon Tywi rhwng Afon Cennen i'r gogledd a rhannau isaf Afon Llwchwr i'r de. Roedd yn cynnwys Castell Carreg Cennen, un o gestyll cryfaf tywysogion Deheubarth.
