Iago ab Idwal ap Meurig

Iago ab Idwal ap Meurig
Iago ab Idwal ap Meurig
Ganwyd	974
Bu farw	1039
Galwedigaeth	teyrn
Tad	Idwal ap Meurig
Plant	Cynan ab Iago, Angharad ferch Iago ab Idwal, Crisli ferch Iago ab Idwal ap Meurig, Tangwystl ferch Iago ab Idwal ap Meurig

Roedd Iago ab Idwal ap Meurig (974? — 1039) yn frenin Gwynedd.

Daeth Iago, oedd o linach Idwal Foel, yn frenin ar Wynedd ar farwolaeth Llywelyn ap Seisyll yn 1023. Felly dychwelodd llinach Rhodri Mawr i rym yng Ngwynedd, oherwydd ymddengys nad oedd Llywelyn ap Seisyll o'r llinach yma.

Yn ôl Llyfr Llandaf, dim ond ar Ynys Môn y teyrnasai Iago, gan fod Rhydderch ab Iestyn o Ddeheubarth yn teyrnasu ar ran o Wynedd.

Lladdwyd Iago gan ei ŵyr ei hun yn 1039, a dilynwyd ef gan fab Llywelyn ap Seisyll, Gruffydd ap Llywelyn.

Ymddengys i un o feibion Iago: Cynan ap Iago, ffoi i Iwerddon lle priododd â Ragnaillt o linach brenhinoedd Danaidd Dulyn. Pan ddychwelodd eu mab hwy, Gruffydd ap Cynan i hawlio teyrnas Gwynedd yn ddiweddarach, gan nad oedd ei dad yn adnabyddus yng Nghymru, cyfeirid ato fel "ŵyr Iago" yn hytrach na "Mab Cynan".