Hokkaidō
- Am y ci, gweler Hokkaido (ci).
Un o bedair ynys fawr Japan yw Hokkaidō (北海道, Hokkai-dō), wedi ei lleoli yng ngogledd y wlad. Gydag arwynebedd o 78,719 km², hi yw ynys ail-fwyaf Japan; mewn cymhariaeth mae arwynebedd Ynys Môn yn 714 km². Y ddinas fwyaf yw Sapporo. Saif i'r gogledd o ynys Honshū; mae twnnel rheilffordd Seikan yn cysylltu'r ddwy ynys. Roedd y boblogaeth yn 5,507,456 yn 2010.
Defnyddir "Hokkaidō" hefyd fel enw rhanbarth a talaith. Mae'r rhain yn cynnwys nifer o ynysoedd llai o'i chwmpas. Y fwyaf o'r rhain yw ynys Etorofu (3,185 km²), ynys fwyaf gogleddol Japan, sydd ym meddiant Rwsia ers yr Ail Ryfel Byd. Mae'r boblogaeth yn cynnwys lleiafrif o Ainu.
