Hannah Dugan
| Hannah Dugan | |
|---|---|
| Ganwyd | 1959  |
| Dinasyddiaeth |  UDA |
| Galwedigaeth | barnwr |
Cyfreithiwr a barnwr o Unol Daleithiau America yw Hannah C. Dugan (ganwyd 1959)[1]. Mae'n hanu o Sir Milwaukee, Wisconsin. Cyn ei gwasanaeth barnwrol, treuliodd Dugan ei gyrfa yn gweithio gyda sefydliadau cymorth cyfreithiol. Roedd hi'n gyfarwyddwr gweithredol i sefydliad ar gyfer elusennau Catholig yn nhalaith Wisconsin. Bu'n lywydd ar Gymdeithas Bar Milwaukee hefyd (1999-2000).
Mae hi wedi bod yn Farnwr Llys Cylchdaith Wisconsin ar gyfer Sir Milwaukee ers 2016, ond ers mis Ebrill 2025, mae hi o dan dditiad troseddol ar ôl cael ei harestio gan y Swyddfa Ymchwilio Ffederal (FBI) a’i chyhuddo o gynorthwyo mewnfudwr anghyfreithlon i osgoi cael eu harestio, yn ôl honiadau Cyfarwyddwr yr FBI, Kash Patel.
Graddiodd Dugan o Ysgol y Gyfraith Prifysgol Wisconsin ym 1987 a bu'n dysgu cyrsiau'r gyfraith ym Mhrifysgol Marquette ac Ysgol y Gyfraith Prifysgol Seattle.[2][3][4]
Ar 18 Ebrill 2025, cyhoeddodd Gorfodaeth Mewnfudo a Thollau yr Unol Daleithiau (ICE) warant i arestio Eduardo Flores-Ruiz, mewnfudwr anghyfreithlon 30 oed o Fecsico a gyhuddwyd o gurfa (misdemeanor battery), ac a oedd i fod i ymddangos yn y llys gerbron Dugan.[5] Yn ôl y Milwaukee Journal Sentinel, hysbysodd Prif Farnwr Cylchdaith Sir Milwaukee, Carl Ashley, Dugan o’r warant hon trwy e-bost, ac ymatebodd Dugan iddo gan ddweud “ni chyflwynwyd gwarant yn y cyntedd ar y chweched llawr”.[6] Yn ôl affidafid a ffeiliwyd gan swyddog FBI i gefnogi’r gŵyn droseddol yn ei herbyn, roedd Dugan “yn amlwg yn ddig” pan glywodd fod swyddogion ICE yn aros y tu allan i’w hystafell llys i arestio Flores-Ruiz. Gohiriodd Dugan wrandawiad Flores-Ruiz a'i gyfarwyddo ef a'i gyfreithiwr i adael trwy allanfa ystafell reithgor breifat yn lle'r fynedfa gyhoeddus.[7][8] Yna gadawodd Flores-Ruiz yr adeilad a ffoi rhag y swyddogion ICE, a aeth ar ei ôl a'i arestio lle mae W. State Street a 10th Street yn croesi. [9] Mae Flores-Ruiz yn cael ei dal yng Nghyfleuster Cadw Dodge yn Juneau.[10]
Ar 25 Ebrill 2025, ymddangosodd Dugan gerbron Barnwr Ynad yr Unol Daleithiau Stephen C. Dries. Cafodd ei chyhuddo o ddau achos ffeloniaeth o rwystro a chuddio unigolyn.
Cyfeiriadau
[golygu | golygu cod]- ↑ "Read the F.B.I.'s Charging Document" (yn Saesneg). 25 Ebrill 2025.
- ↑ Habeshian, Sareen (25 Ebrill 2025). "What to know about Wisconsin judge arrested by FBI". Axios (yn Saesneg). Cyrchwyd 25 Ebrill 2025.
- ↑ Gruver, Mead; Bauer, Scott (2025-04-25). "Who is Milwaukee Judge Hannah Dugan?". AP News (yn Saesneg). Cyrchwyd 2025-04-26.
- ↑ Ramirez, Chris; Gleeson, Cailey (25 Ebrill 2025). "What to know about Hannah Dugan, the Milwaukee judge arrested amid ICE investigation on April 25". Milwaukee Journal Sentinel (yn Saesneg). Cyrchwyd 25 Ebrill 2025.
- ↑ Bice, Daniel; Swales, Vanessa; Ramirez, Chris (23 Ebrill 2025). "Mexican immigrant sought by ICE is apprehended after hearing before a Milwaukee County judge". Milwaukee Journal Sentinel (yn Saesneg). Cyrchwyd 25 Ebrill 2025.
- ↑ Holmes, Isiah (April 24, 2025). "FBI investigating Milwaukee County judge after third courthouse ICE arrest". Wisconsin Examiner. Cyrchwyd 25 Ebrill 2025.
- ↑ Roebuck, Jeremy; Marley, Patrick; Stein, Perry; Berman, Mark; Hsu, Spencer; Hawkins, Derek (25 Ebrill 2025). "Wisconsin judge arrested by FBI, charged with obstructing immigrant arrest". The Washington Post. Cyrchwyd 25 Ebrill 2025.
- ↑ Durkin Richer, Alanna; Shastri, Devi; Bauer, Scott (25 Ebrill 2025). "Milwaukee Judge Hannah Dugan is accused of helping a man evade immigration agents and is arrested". Associated Press (yn Saesneg). Cyrchwyd 25 Ebrill 2025.
- ↑ Breuninger, Kevin (25 Ebrill 2025). "FBI arrests Wisconsin Judge Dugan on obstruction charge, escalates Trump immigration enforcement effort". CNBC (yn Saesneg). Cyrchwyd 25 Ebrill 2025.
- ↑ Diedrich, John; Bice, Daniel (25 Ebrill 2025). "Milwaukee County Circuit Judge Hannah Dugan charged with 2 felonies in ICE case". Milwaukee Journal Sentinel (yn Saesneg). Cyrchwyd 25 Ebrill 2025.