Gwenno Elis Hodgkins
| Gwenno Elis Hodgkins | |
|---|---|
| Ganwyd | Ann Gwenno Elis Hodgkins 1963 Dwyran |
| Dinasyddiaeth | |
| Alma mater |
|
| Galwedigaeth | actor |
Actores Gymraeg sy'n enedigol o Ddwyran, Ynys Môn yw Gwenno Elis Hodgkins (ganed 1963) neu weithiau Gwenno Hodgkins.[1] Mae hi'n adnabyddus am ei gwaith ar lwyfannau Cymru gyda Theatr Bara Caws ac ar S4C yn portreadu amrywiaeth eang o gymeriadau fel y fambennaeth "Carys Gurkha" yn y gyfres ddrama Tipyn o Stad. Mae hi hefyd i'w gweld mewn cyfresi a ffilmiau eraill fel Lleifior, Cerddwn Ymlaen, Sombreros, Oed yr Addewid, Tylluan Wen ac Eldra. Bu hefyd yn portreadu'r cymeriad lliwgar "Sandra Picton" am gyfnod yn y cyfresi a'r ffilmiau mwy diweddar o C'mon Midffîld.
Gyrfa
[golygu | golygu cod]Ganwyd a magwyd Gwenno ar Ynys Môn, yn gyntaf yn Nwyran ac wedi hynny ym Mhorthaethwy. Mae hi'n ferch i'r cyn-brifathro William Walter Lesley Hodgkins a Nellie (Evans gynt).[1] Roedd ei nain, Nel Hodgkins [mam ei thad] yn actores, ac yn aelod gweithgar o Gymdeithas Drama Llangefni yn ystod ail hanner y 1940au a'r 1950au, ac yn rhan o'r gyfres Teulu'r Siop ar Wasanaeth Cartref y BBC.[2]
Mynychodd Ysgol David Hughes, Porthaethwy ac yna'r Coleg Technegol ym Mangor lle y dilynodd gwrs fel ysgrifenyddes.[3] Graddiodd gydag anrhydedd mewn Cymraeg a Drama yng Ngholeg Prifysgol Cymru, Bangor.[4] Tra yn y coleg, daeth cyfleoedd iddi ddilyn ei diddordeb mewn actio, gan ymddangos yn y ffilm Gymraeg gyntaf ar S4C, Owain Glyndŵr ym 1983.
Yn 2011, roedd hi'n byw yn Gerlan, Bethesda gyda'i gŵr, Huw Jones.[3]
Gwaith ddethol
[golygu | golygu cod]Theatr
[golygu | golygu cod]- Yn Debyg iawn i Ti a Fi (1995)
- Darn Gae (1995)
- Un Bach Arall (1996)
- Y Folsan Fawr (1998)
- Dal i Bwmpio (2009)
- Caffi Basra
- C'mon Midlaiff (2011)
- Brêcshit (2018)
- Dwyn i Gof (2018)
- Awê Bryncoch! (1993)
- Tua'r Terfyn (1996)
- Pêl Goch (1998)
- Yr Hen Blant (1999) a Diwedd y Byd (1999)
Cwmnïau eraill
- Y Tad a'r Mab (tra yn y coleg)
- Bonansa! (1996) Dalier Sylw
- Drych (2015) Frân Wen
- Wŷ, Chips a Nain (2018) Frân Wen
- Yn Debyg iawn i Ti a Fi (2004) Theatr Genedlaethol Cymru
Ffilm, Teledu a Radio
[golygu | golygu cod]- Owain Glyndŵr (1983)[5][6]
- Aderyn Papur (1984)
- Anest
- Chwilio am y Nefoedd
- O.M (1990)
- Traed Mewn Cyffion (1991)
- Anturiaethau Jini Mê
- Lleifior (1993)
- C'mon Midffîld! (1994)
- Brodyr a Chwiorydd (1994)
- Un Dyn Bach a Rôl
- I Dir Drygioni - Y Nawfed Ach
- Tylluan Wen (1996)
- Pengelli (1997-1998)
- Y Siop (1996)
- Y Mynydd Grug (1997)
- 31:12:99 (1999)
- Oed yr Addewid (2001)
- Eldra (2002)
- Re-inventing Eddie (2002)
- 9 tan 9 (2002-2004)
- Tipyn o Stad (2002-2008)
- C'mon Midffîld! a Rasbrijam (2004)
- Ddoe am Ddeg (2011)
- Sombreros (2011)
- Gwlad yr Astra Gwyn (2012-2014)
- Lan a Lawr (2015)
- Y Gwyll (2015-2016)
- Stad (2022 - presennol)
Cyfeiriadau
[golygu | golygu cod]- 1 2 "Gwefan Ancestry".
- ↑ Williams, O. Arthur (2008). Hanes y Ddrama Gymraeg ym Môn. O. Arthur Williams / Gwasg y Bwthyn.
- 1 2 Live, North Wales (3 Rhagfyr 2011). "New S4C drama Sombreros hits our screens". North Wales Live (yn Saesneg). Cyrchwyd 2 Hydref 2025.
- ↑ Rhaglen Awe Bryncoch. Cwmni Theatr Gwynedd. 1993.
- ↑ "Gwenno Elis Hodgkins". Wici Y Cyfryngau Cymraeg. Cyrchwyd 2025-10-02.
- ↑ "Gwenno Hodgkins | Actress". IMDb (yn Saesneg). Cyrchwyd 2025-10-02.