Gweld Sêr (pantomeim)

Gweld Sêr

Dyddiad cynharaf	1972
Cyhoeddwr	heb ei chyhoeddi
Gwlad	Cymru
Iaith	Cymraeg
Cysylltir gyda	Cwmni Theatr Cymru
Math	Pantomeim Gymraeg
Dynodwyr

Pantomeim Cymraeg gan Gwmni Theatr Cymru yw Gweld Sêr a lwyfannwyd ym 1972. Dyma'r ail banto i'r cwmni lwyfannu ar ôl llwyddiant Mawredd Mawr, flwyddyn ynghynt.

Cymeriadau

• Triawd y Gofod:

• • Siencyn, y gwas
  • Ianto, y prentis dewin
  • Fairy Nyff, y Tylwythen Anheg
• Y Frenhines Fawreddog, Urddasol, Ddysgedig...
• Plant Twll y Mwg:

• • Y Wrach Ddu
  • Y Dewin Gwyrdd

• Plant Llygad yr Haul:
  • Y Tywysog Glanser
  • Eurben

• Dawnswyr
• Y Brenin Da
• Ei Was Ffyddlon
• Ben y Ci

Disgrifiad byr

"...ar ôl llwyddiant ysgubol yr un cyntaf [Mawredd Mawr] yr un prif gymeriadau oedd yn hwn hefyd," yn ôl yr actor John Pierce Jones, "yn cael eu chwarae gan Dyfan Roberts, Dewi Pws a Wynford Ellis Owen. Roedd Beryl Hall a'i chi, Ben Hall, Iona Banks a Huw Tudor hefyd yn serennu yn y cynhyrchiad. Rhan fach iawn fel gwas ufudd y Brenin Da oedd gen i, ond cefais hefyd gyfle i fod yn un o'r criw cefn llwyfan ar y daith, oedd yn brofiad gwerthfawr iawn mewn mwy nag un ystyr."

Cynyrchiadau nodedig

Llwyfannwyd y panto gan Gwmni Theatr Cymru dros y Gaeaf 1972 a dechrau'r Gwanwyn 1973.

• Triawd y Gofod:

• • Siencyn - Dewi Pws Morris
  • Ianto - Dyfan Roberts
  • Fairy Nyff - Wynford Elis Owen
• Y Frenhines Fawreddog - Beryl Hall
• Plant Twll y Mwg:

• • Y Wrach Ddu - Iona Banks
  • Y Dewin Gwyrdd - Grey Evans

• Plant Llygad yr Haul:
  • Y Tywysog Glanser - Huw Tudor
  • Eurben - Alwen Lewis (Miss Asbri 1972)

• Dawnswyr - Ian Garry, Rosemary Ward, Pauline Cooper.
• Y Brenin Da - Osian Wyn Jones
• Ei Was Ffyddlon - John Pierce Jones
• Ben y Ci

John Pierce Jones sy'n cofio mwy am y cynhyrchiad :

"Roedd y ci, Ben Hall, yn cydganu a'i feistres mewn un olygfa, ac am ryw reswm sydd y tu hwnt i mi, mynnodd Beryl fod Wynford, Dyfan a Dewi Pws i fod ar y llwyfan yn ystod ei chân efo'r ci. Camgymeriad dybryd. Roedd Wynff wedi ei wisgo fel tylwythen deg (Fairy Nyff) ac yn ystod y gân tynnai amryw o fân bethau o'i fag llaw, a gweu efo symudiadau doniol. Wrth gwrs, roedd hyn yn tynnu sylw'r gynulleidfa, a doedd Pws yntau ddim yn ddieuog o'r hyn y gellid ei alw'n 'ypstejio'? Roedd si ar led fod Beryl, ar ôl taenu ei chlogyn o gwmpas Ben fel nad oedd ond ei ben yn y golwg yn ystod y ddeuawd, yn gwasgu ei geilliau er mwyn iddo gyrraedd y nodau uchaf. Does gen i ddim prawf o gwbwl o hyn."

Oriel

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•