Gwarchodfa natur Cors Leighton

Oddi ar Wicipedia
Jump to navigation Jump to search
Gwarchodfa natur Cors Leighton
Leighton Moss.jpg
Math gwarchodfa natur Edit this on Wikidata
Daearyddiaeth
Sir Swydd Gaerhirfryn Edit this on Wikidata
Gwlad Baner Lloegr Lloegr
Arwynebedd 2,000 acre Edit this on Wikidata
Cyfesurynnau 54.16°N 2.8°W, 54.168583°N 2.800294°W Edit this on Wikidata
Rheolir gan Y Gymdeithas Frenhinol er Gwarchod Adar Edit this on Wikidata
Perchnogaeth Y Gymdeithas Frenhinol er Gwarchod Adar Edit this on Wikidata

Mae Gwarchodfa natur Cors Leighton (Saesneg: Leighton Moss) un o warchodfeydd natur y Gymdeithas Frenhinol er Gwarchod Adar, lleolir yn Swydd Gaerhirfryn yn Silverdale, ger Bae Morecambe.

Cuddfan Eric Morecambe
Y warchodfa
Adar dŵr y warchodfa

Cyfanswm arwynebedd y warchdfa yw tua 2,000 o erwau ac mae'n cynnwys corslwyn, coed a glastir calchfaen, cors arfordirol a morlyn. Gwelir barfog, boda’r gors, telor yr hesg, bwn, titw’r gors, cnocell y cnau, coch y berllan, tylluan frech, titw cynffon-hir, dringwr bach, cnocell y coed, cambig, pioden y môr, gylfinir, coesgoch a phibydd y mawn. Mae niferau’r hwyaid, megis hwyaid llostfain a chwiwellod, yn codi’n sylweddol yn ystod y gaeaf. Gwelir ceirw cochion.[1][2]. Mae niferau mawr o ddrudwy yn ymddangos yn ystod yr hydref a gaeaf.[3]

Ers cymryd yr awennau, mae’r Gymdeithas wedi creu mwy o ddŵr agored ar y corstir, yn cael gwared o frwyn, a chliriwyd ffosydd i wellhau llif y dŵr. Sefydlwyd ardaloedd o ddŵr bas ar gyfer adar hirgoes, ac ynysoedd addas i nythu. Cyrhaeddodd dwrgwn yn 2006/7. Yn ogystal â‘r warchodfa, mae’r Gymdeithas yn rheoli safleoedd cyfagos eraill, sef ‘Inner Salt Marsh’, ‘Outer Salt Marsh’, Cae Barrow Scout, Craig Warton, Cors Silverdale a Rhandir Plas Challan. Mae Cors Silverdale a Chae Barrow Scout yn ardaloedd o frwyn ychwanegol i Gors Leighton. Mae’r 2 forfa yn cael eu dylanwadu gan lanwau Bae Morecambe a gan Afon Kent i’r gogledd ac Afon Keer i’r dde. Canaleiddiwyd Afon Keer yn y 1950au, yn lleihau llifogydd ac yn creu tir mwy sych o'i chwmpas. Mae Craig Warton a Rhandir Plas Challan yn galchfaen ac yn cynnal blodau a phili-palod prin.

Mae Cors Leighton yn Safle o Ddiddordeb Gwyddonol Arbennig (SSSI)[4] ac yn cynnwys y corslwyn mwyaf yng ngogledd Lloegr. Mae’n rhan o Ardal Harddwch Naturiol Eithriadol Arnside/Silverdale. [5] Darlledwyd y rhaglen Autumnwatch o'r warchodfa yn 2014.[6]


Cyfeiriadau[golygu | golygu cod y dudalen]

Dolen allanol[golygu | golygu cod y dudalen]