Geraint H. Jenkins

Geraint H. Jenkins
Ganwyd	Geraint Huw Jenkins  24 Ionawr 1946
Dinasyddiaeth	Cymru
Alma mater	Prifysgol Aberystwyth Prifysgol Abertawe
Galwedigaeth	academydd, hanesydd
Cyflogwr	Prifysgol Aberystwyth
Gwobr/au	Cymrawd Cymdeithas Ddysgedig Cymru, Cymrawd yr Academi Brydeinig

Hanesydd Cymreig yw'r Athro Geraint Huw Jenkins (ganwyd 24 Ionawr 1946). Ganwyd ym Mhenparcau, Aberystwyth. Bu'n Athro a phennaeth Adran Hanes Cymru Prifysgol Aberystwyth cyn ei benodi'n gyfarwyddwr Canolfan Uwchefrydiau Cymreig a Cheltaidd Prifysgol Cymru yn 1993. O 1993 hyd 2007 bu’n Gadeirydd a Chyfarwyddwr Ymchwil Bwrdd Gwybodau Celtaidd Prifysgol Cymru. Ymddeolodd ym mis Medi 2008 ac fe'i gwnaed yn Athro Emeritws Hanes Cymru ym Mhrifysgol Cymru.

Mae ef hefyd yn Gymrawd Cychwynnol o Gymdeithas Ddysgedig Cymru ac yn Aelod o’r Cyngor cychwynnol.

Cyhoeddiadau

• Thomas Jones yr Almanaciwr (Caerdydd, 1980)
• Hanes Cymru yn y Cyfnod Modern Cynnar (Caerdydd, 1983)
• Cadw Tŷ mewn Cwmwl Tystion (Llandysul, 1990)
• Prifysgol Cymru: hanes darluniadol (Caerdydd, 1993)
• The Foundations of Modern Wales (Oxford Paperbacks, 1993)
• Doc Tom: Thomas Richards (Caerdydd, 1999)
• A Concise History of Wales (Cambridge University Press, 2007)
• Diwylliant Gweledol Cymru (golygydd) (6 cyfrol 1997–2003)
• Hanes Cymdeithasol yr Iaith Gymraeg (golygydd) (11 cyfrol 1997–2000)
• Cof Cenedl Cyfres o 24 llyfr o ysgrifau ar hanes Cymru (Gwasg Gomer) Golygydd