Gareth Potter
| Gareth Potter | |
|---|---|
 | |
| Ganwyd | 26 Rhagfyr 1964  Nottingham |
| Man preswyl | Caerdydd |
| Dinasyddiaeth |  Cymru |
| Alma mater | |
| Galwedigaeth | ysgrifennwr, cerddor, sgriptiwr, cyflwynydd, actor |
Actor, cerddor, DJ, awdur a chyflwynydd teledu a radio o Gymru yw Gareth Potter (ganwyd 26 Rhagfyr 1964) neu Gareth David Potter.[1] Mae'n gyn-aelod o'r bandiau Cymraeg Clustiau Cŵn, Pop Negatif Wastad, Traddodiad Ofnus a Tŷ Gwydr.[2] Fel actor a DJ, mae wedi perfformio ar draws y byd gan gynnwys cyfnod yn y gyfres sebon Eastenders ar y BBC.[3] Cafodd ei enwebu am Wobr Bafta Cymru am ei ffilm fer Fire in My Heart yn 2018.[4] Yn 2014, derbyniodd ganmoliaeth mawr am ei ddewrder o drafod y camdrin rhywiol a ddioddefodd o dan law ei gyn-athro drama yn Ysgol Gyfun Rhydfelen, John Owen, mewn rhaglen ddogfen ar S4C.[5]
Gyrfa
[golygu | golygu cod]
Ganwyd Gareth yn Nottingham, a'i fagu yng Nghaerffili.[6] Mynychodd Ysgol Senghennydd ac yna Ysgol Gyfun Rhyfelen. Derbyniodd ran o'i addysg yn Llundain.[7]
"Wedi cyfnod yn Brighton, Llundain a Middlesex," nodwyd mewn adolygiad o'i ddrama hunangofiannol, Gadael yr Ugeinfed Ganrif [2010], "...ynghyd ag ymddangosiad ar y gyfres Eastenders, ryda ni ar ddiwedd yr wythdegau [1980au], a chyfnod Fideo 9 a’r ‘ysfa i greu pop modern Cymraeg ddim wedi ‘tewi’."[6]
Dechreuodd ei yrfa fel actor ar y gyfres District Nurse ym 1984 pan yn 20 oed.[7]
Fel DJ [troellwr disgiau] mae wedi perfformio yn Ibiza.[7]
Mae o hefyd yn ddarlithydd mewn Prifysgolion a Cholegau Drama.[7]
Treuliodd gyfnod yn byw a gweithio ym maes theatr yn Cosovo, ar ôl y Rhyfel yn y Balcanau.[7]
John Owen ac Ysgol Rhydfelen
[golygu | golygu cod]Tra'n ddisgybl yn Ysgol Gyfun Rhydfelen, daeth Gareth Potter o dan "ddylanwad absoliwt" yr athro drama John Owen.[8] Cafodd y cyfnod ei groniclo'n fanwl yn Adroddiad Clywch a gyhoeddwyd yn 2004. Er na enwir yr un disgybl a ddioddefodd gamdrin rhywiol a meddyliol o fewn yr adroddiad, dewisiodd Gareth rannu ei brofiad o dan law ei gyn-athro mewn rhaglen ddogfen ar S4C o'r enw Cadw Cyfrinach yn Ebrill 2021. Rhannodd ef a dau arall a weithiodd gydag Owen ar gyfres Pam Fi Duw? eu profiadau o feithrin perthynas amhriodol gyda'r cyn-athro, a gweld bechgyn eraill yn cael eu hecsbloetio'n rhywiol ganddo.[5]
Er i John Owen ladd ei hun yn Hydref 2001, cyn yr achos llys, nododd Comisiynydd Plant Cymru Peter Clarke yn ei adroddiad yn 2004, "Ni all unrhyw un a glywodd y dystiolaeth a glywais i yn fy ymchwiliad amau, â didwylledd, fod Mr John Owen yn euog o weithredoedd o anweddustra rhywiol difrifol yn erbyn rhai disgyblion yn Ysgol Gyfun Rhydfelen. Mae'r dystiolaeth a glywais wedi dangos i Mr Owen, yn ôl pwysau tebygolrwydd, gam-drin disgyblion yn ei ofal yr rhywiol dros nifer o flynyddoedd".[8]
Yn 2024, beirniadodd Gareth yr awdurdodau am eu "methiannau" yn achos camdrin rhywiol y cyn-brifathro Neil Foden o Ysgol Friars, Bangor ac Ysgol Dyffryn Nantlle, Penygroes, yn enwedig wedi argymhellion Adroddiad Clywch yn 2004.[9]
Cynyrchiadau
[golygu | golygu cod](detholiad)
Fel actor oni nodir yn wahanol:
Theatr
[golygu | golygu cod]- Fel Paent yn Sychu (1988) Theatr Crwban
- Cai (1990) Arad Goch
- Marriage of Convenience - Theatr y Byd
- One Moonlit Night - Theatr Clwyd (1995)
- Blink (2007) - sain
- Gadael yr Ugenifed Ganrif (2010) actor ac awdur
Radio, Teledu a Ffilm
[golygu | golygu cod]- Eastenders
- Pobol y Cwm
- Tourist Trap (2018)[10]
- Fire in My Heart (2017) actor ac awdur
- Y Gwyll / Hinterland (2015)
- Gadael yr Ugeinfed Ganrif (2014)
- Zanzibar (2011)
- Made in Wales (2010)
- The Tempest (2010)
- Ceasar and Cleopatra (2009)
- Young Dracula (2008)
- Y Pris (2007)
- Torchwood (2006)
- Cowbois ac Injans (2006)
- Caerdydd (2006) ymgynhorydd cerddorol
- High Hopes (2002-2005)
- Heart of Gold (2003)
- Care (2000)
- Dinas
- The Old Devils (1992)
- The District Nurse (1984)
- That Uncertain Feeling (1986)
- Casualty
Cyfeiriadau
[golygu | golygu cod]- ↑ "Gareth POTTER personal appointments - Find and update company information - GOV.UK". find-and-update.company-information.service.gov.uk (yn Saesneg). Cyrchwyd 2025-09-26.
- ↑ "Gareth Potter". Discogs (yn Saesneg). Cyrchwyd 2025-09-26.
- ↑ "Gareth Potter". EastEnders Wiki (yn Saesneg). Cyrchwyd 2025-09-26.
- ↑ "Gareth Potter - Awards". IMDb (yn Saesneg). Cyrchwyd 2025-09-26.
- ↑ 5.0 5.1 "Dioddefwr John Owen: Dim syniad 'pa mor sinistr oedd y trap'". BBC Cymru Fyw. 2021-04-05. Cyrchwyd 2025-09-26.
- ↑ 6.0 6.1 Griffiths, Paul (2010-08-13). "Paul Griffiths: 'Gadael yr Ugeinfed Ganrif'". Paul Griffiths. Cyrchwyd 2025-09-26.
- ↑ 7.0 7.1 7.2 7.3 7.4 Torchwood, Project: (2018-09-05). "Project: Torchwood: Interviews Gareth Potter by DJ Forrest". Project. Cyrchwyd 2025-09-26.CS1 maint: extra punctuation (link)
- ↑ 8.0 8.1 "Adroddiad Clywch" (PDF). 2004.
- ↑ "Neil Foden: Abuse victim criticises head teacher case failings". BBC News (yn Saesneg). 2024-05-16. Cyrchwyd 2025-09-26.
- ↑ "Gareth Potter | Actor, Writer, Music Department". IMDb (yn Saesneg). Cyrchwyd 2025-09-26.