Ffrwydrad Maes Awyr Kabul

Oddi ar Wicipedia
Ffrwydrad Maes Awyr Kabul
Enghraifft o'r canlynolhunanfomio, ymosodiad terfysgol cydgysylltiedig, saethu torfol Edit this on Wikidata
Dyddiad26 Awst 2021 Edit this on Wikidata
Lladdwyd182 Edit this on Wikidata
Rhan oIslamic State–Taliban conflict Edit this on Wikidata
LleoliadMaes Awyr Rhyngwladol Hamid Karzai Edit this on Wikidata
Map
GwladwriaethAffganistan Edit this on Wikidata
RhanbarthKabul Edit this on Wikidata
Tudalen Comin Ffeiliau perthnasol ar Gomin Wicimedia

Ymosodiad terfysgol yn dilyn Ymgyrch ymosodol y Taleban (2021) ac a darodd un o fynedfeydd Maes Awyr Rhyngwladol Hamid Karzai yn Kabul, prifddinas Affganistan, oedd ffrwydrad Maes Awyr Kabul a achoswyd gan hunan-fomiwr o'r Wladwriaeth Islamaidd yn Khorasan (IS-K) yn tanio'i fest ffrwydrol am 17:50 o'r gloch (Amser Affganistan) ar Ddydd Iau, 26 Awst 2021. Digwyddodd y ffrwydrad wrth i awyrgludiadau o Kabul i wledydd y Gorllewin barhau yn sgil cwymp Kabul i luoedd y Taleban ar 15 Awst, ac mae'n debyg i'r terfysgwr felly dargedu'r ceiswyr lloches a'r tramorwyr a oedd yn ymgynnull ar gyrion y maes awyr. Bu farw tua 180 o bobl. Hawliodd IS-K ei bod yn gyfrifol am y derfysgaeth hon.[1]

Ychydig oriau cyn y ffrwydrad, rhybuddiodd llywodraethau y Gorllewin i'w dinasyddion beidio â mynd i'r maes awyr wedi iddynt dderbyn cudd-wybodaeth yn awgrymu bod bygythiad difrifol o derfysgwyr yn targedu'r awyrgludiadau.[2] Yn fuan wedi'r ymosodiad, honnodd y Pentagon i ail ffrwydrad ddigwydd mewn gwesty gerllaw'r maes awyr, ond trannoeth cywirwyd hynny gan gyhoeddi darfu dim ond yr un ffrwydrad, a hynny ger mynedfa'r maes awyr.[1]

Joe Biden, Arlywydd yr Unol Daleithiau, yn annerch ei wlad yn sgil yr ymosodiad terfysgol ar Faes Awyr Kabul, ar 26 Awst.

Ymhlith y meirw roedd 13 o luoedd Unol Daleithiau America, sef y nifer fwyaf o Americanwyr i'w lladd yn Affganistan ers 2011. Mewn ymateb, lansiwyd cyrch awyr gan yr Unol Daleithiau yn erbyn tri aelod honedig o IS-K yn Nangarhar ar 27 Awst, gan ladd dau ohonynt. Cafodd y cyrch Americanaidd ei gondemnio gan y Taleban fel "ymosodiad clir ar diriogaeth Affganistan".[3]

Cyfeiriadau[golygu | golygu cod]

  1. 1.0 1.1 (Saesneg) "Pentagon says Kabul airport attack carried out by one suicide bomber", France 24 (27 Awst 2021). Archifwyd o'r dudalen we wreiddiol drwy gyfrwng archive.today ar 4 Medi 2021.
  2. (Saesneg) "Kabul airport attack: What do we know?", BBC (27 Awst 2021). Archifwyd o'r dudalen we wreiddiol drwy gyfrwng archive.today ar 4 Medi 2021.
  3. (Saesneg) "Biden promises more strikes against ISIL-affiliate in Afghanistan", Al Jazeera (28 Awst 2021). Archifwyd o'r dudalen we wreiddiol drwy gyfrwng archive.today ar 28 Awst 2021.