Fflach

Fflach

Math	label recordio
Sefydlwyd	1981
Sefydlydd	Ail Symudiad
Pencadlys	Aberteifi
Gwefan	http://www.fflach.co.uk/

Label a stiwdio recordio yng Nghymru yw Fflach. Fe'i sefydlwyd ym 1980 gan aelodau y grŵp Ail Symudiad sef y ddau frawd, Richard a Wyn Jones, Gareth Lewis a Robin Davies.

Record gyntaf y label oedd y sengl Twristiaid yn y Dre a ryddhawyd yn gynnar yn 1981. Yn ogystal â recordio caneuon Ail Symudiad; aeth y cwmni ymlaen i recordio a ryddhau cynnyrch nifer fawr o grŵpiau eraill, gan gynnwys Y Ficar, Eryr Wen, Malcolm Neon, Angylion Stanley, Y Diawled, Rocyn a Maffia Mr Huws.

Sefydlwyd stiwdio mewn festri capel yn Aberteifi cyn symud yn ddiweddarach i Heol Dinbych-y-Pysgod, ble newidiwyd adeilad allanol i fod yn stiwdio. Yn ddiweddarach ffurfiwyd is-labeli er mwyn ryddhau mathau gwahanol o gerddoriaeth gan gynnwys corau, canu gwerin a cherddoriaeth roc.

Yn dilyn marwolaethau y brodyr Richard a Wyn yn 2021, daeth cynlluniau i ail-lansio fel cwmni cydweithredol. Ar ddiwedd 2024 cyhoeddwyd y bwriad i werthu cyfranddaliadau i unigolion er mwyn creu cwmni newydd 'Fflach Cymunedol' fydd yn berchen i'r gymuned.

Is-labeli

• fflach:tradd. Sefydlwyd ym 1997 er mwyn hybu cerddoriaeth draddodiadol Gymreig yng Nghymru ac yn rhyngwladol.
• Rasp. Sefydlwyd yn 2000 ar gyfer cerddoriath pop a roc.

Detholiad artistiaid

Ar Fflach

• Ail Symudiad
• Dom
• Malcolm Neon

Ar Rasp

• Mattoidz
• Lowri Evans
• Garej Dolwen
• Y Ffug
• Bromas
• Castro
• Texas Radio Band
• MC Mabon
• Swci Boscawen

Ar fflach:tradd

• Llio Rhydderch
• Julie Murphy and Dylan Fowler
• Ceri Rhys Matthews
• Cass Meurig
• Sild
• Gwilym Bowen Rhys
• DnA (Delyth and Angharad Jenkins)

Dolenni allanol

• Gwefan swyddogol Fflach
• Fflach Cymunedol