Ffarwel Weledig
 Siaced lwch Ffarwel Weledig (cynlluniwyd gan E. Meirion Roberts) | |
| Data cyffredinol | |
|---|---|
| Enghraifft o'r canlynol | gwaith llenyddol  |
| Awdur | Cynan |
| Cyhoeddwr | Gwasg Y Brython |
| Gwlad | Cymru |
| Iaith | Cymraeg |
| Dyddiad cyhoeddi | 1946 |
| Genre | Nofel epistolaidd |
Nofel fer gan Cynan a gyhoeddwyd gan Wasg Y Brython (Lerpwl, 1946) yw Ffarwel Weledig.
Mae'r teitl yn adlais o'r casgliad emynau Ffarwel Weledig, Groesaw Anweledig Bethau (1763-1769), gan William Williams (Pantycelyn).
Ei his-deitl yw Rhamant am Facedonia. Fe'i lleolir yn ardal Macedonia ar ddechrau'r Ail Ryfel Byd.
Nofel epistolaidd ydyw, ar ddull llythyr y mae milwr o Gymro ifanc o'r enw Gwilym Bowen yn ysgrifennu adref, er bod ei deulu ac eraill yn tybio ei fod wedi ei ladd gan y gelyn. Ond yn hytrach na chael ei ladd fe'i achubwyd gan bennaeth y Romani ym Macedonia. Ym mynyddoedd gwyllt y Balcanau mae'r arwr yn dysgu llawer amdano'i hun a'r byd.
Stori ddigon rhamantaidd ydyw ar un ystyr - mae'r arwr yn syrthio mewn cariad â merch Romani ddel o'r enw Carita, er enghraifft - ond mae hi hefyd yn nofel sy'n ymdrin â natur gormes a thrais mewn ffordd gynnil a threiddgar, heb bregethu yn eu cylch.
Mae'n nofel anodd ei chategoreiddio, ond erys yn glasur bach sy'n deffro'r dychymyg ac yn swyno'r synhwyrau.