Fertibra

Data cyffredinol
Math	asgwrn afreolaidd, human bone
Rhan o	Asgwrn cefn
Yn cynnwys	body of vertebra, pedicle of vertebral arch, vertebral foramen, lamina of the vertebral arch, vertebral arch, transverse processes
Ffeiliau perthnasol ar Gomin Wicimedia

Asgwrn onglog yn yr asgwrn cefn (neu'r 'llinyn arian' chwedl y Beibl) ydy fertibra (lluosog: fertibrâu). Mae 33 ohonynt o fewn asgwrn cefn bodau dynol, fel arfer wedi'u gosod mewn trefn arbennig ac sy'n eitha hyblyg er mwyn i'r corff symud. Mae 5 ohonyn nhw, fodd bynnag yn stiff, yn anhyblyg a gelwir y 5 yma yn fertibrâu y sacrwm, ac felly hefyd y pedwar ar y gwaelod un, sef fertibrâu cwtyn y cynffon (neu 'coccyx').

Mae'r tair rhan uchaf yr asgwrn cefn yn cynnwys: y fertibrâu cerfigol (7 fertibra), y fertibrâu thorasig (12 fertibra) a fertibrâu y meingefn (5 fertibra). Ar adegau, ceir un yn ormod neu un fertibra yn brin. Gellir teimlo'r rhan fwyaf ohonynt gyda'r bysedd noeth, a'u cyfri.

Dyma'r teuluoedd o fertibrâu:

• fertibrâu y sacrwm: 5 fertibra
• fertibrâu cwtyn y cynffon (neu 'coccyx'): 4 fertibra
• fertibrâu cerfigol 7 fertibra
• fertibrâu thorasig 12 fertibra
• fertibrâu y meingefn 5 fertibra