Fanny Anitúa

Oddi ar Wicipedia
Jump to navigation Jump to search
Fanny Anitúa
Fanny Anitúa.jpg
Ganwyd 22 Ionawr 1887 Edit this on Wikidata
Durango Edit this on Wikidata
Bu farw 4 Ebrill 1969 Edit this on Wikidata (82 oed)
Dinas Mecsico Edit this on Wikidata
Dinasyddiaeth Mecsico Edit this on Wikidata
Galwedigaeth Canwr, canwr opera Edit this on Wikidata
Math o lais mezzo-soprano, contralto Edit this on Wikidata

Roedd Fanny Anitúa (22 Ionawr 18874 Ebrill 1969) yn gantores Opera contralto o Fecsico.[1]

Cefndir[golygu | golygu cod y dudalen]

Ganwyd Anitúa yn ninas Victoria de Durango, prif ddinas talaith Durango ym Mecsico. [2] Roedd yn ferch i Antonio Sarabia Anitúa, mwyngloddwr, a Josefa Medrano Yanez. Symudodd y teulu i Topia, Durango, pan oedd Fanny yn dair blwydd oed. Yn blentyn ifanc dechreuodd dangos dawn gynhenid i ganu, gan hynny cafodd anogaeth gan ei rhieni i ymuno a chôr eglwys y ddinas. Wedi gwella ei llais fel aelod o'r côr llwyddodd i ennill cystadleuaeth radio gyda gwobr o gontract ganu ar y sianel radio lleol. Yn 12 mlwydd oed dechreuodd ei hyfforddiant cerddorol ffurfiol o dan Maria Aizpuru o Lille.

Ym 1905 yn 18 mlwydd oes symudodd i Ddinas Mecsico [3] gan ddod yn fyfyrwraig yng nghonservatoire cerddorol y ddinas o dan hyfforddiant Juan de Dios Peza a dysgodd traethiad iddi. Ym 1907 derbyniodd ysgoloriaeth i astudio yn ysgol Aristide Franceschetti yn Rhufain.

Llais[golygu | golygu cod y dudalen]

Roedd gan Anitúa llais cyfoethog a hyblyg a oedd yn ddelfrydol at ganu rhannau fel rôl y teitl yn La Cenerentola gan Gioachino Rossini a rhannau contralto coloratwra eraill. [1]

Gyrfa canu[golygu | golygu cod y dudalen]

Cychwynnodd ei gyrfa broffesiynol trwy ganu rhan y prif gymeriad 1909 yn opera Orfeo ed Euridice gan Christoph Willibald Gluck yn y Teatro Nazionale, Rhufain. [4] Daeth cyfleoedd i ganu rhannau mewn amrywiaeth o theatrau eraill Ewrop yn fuan gan gynnwys Teatro de La Scala ym Milan. Ymysg ei pherfformiadau yn La Scala bu rhan yn Sigfried gan Wagner yn nhymor 1910-11, rhan ym mherfformiad cyntaf o opera Ildebrando Pizzetti Fedra yn chware rhan Etra yn nhymor 1914-15. Bu hefyd yn canu rhan Konchakovna yn yr opera Y Tywysog Igor gan Alexander Borodin ym 1915-16 bu hefyd yn canu mewn operâu gan Giuseppe Verdi rhwng 1923 a 1926

Tu allan i La Scala bu'n chware yn Teatro Regio, Parma gyda rhannau yn Farbwr Sevilla (1916) a La Cenerentola (1920). Tu allan i Ewrop bu'n teithio yn yr Unol Daleithiau a De America.

Gyrfa dysgu[golygu | golygu cod y dudalen]

Ym 1921 cafodd ei phenodi gan Weinidog Addysg Mecsico , Jose Vasconcelos yn gyfarwyddwr anrhydeddus Conservatoire Cerddorol Cenedlaethol y wlad a dechreuodd dysgu yn Ysgol Gerddorol Genedlaethol Prifysgol Annibynnol Mecsico.[5]

Yn ystod y cyfnod hwn cyhoeddodd y recordiad sain gyntaf o Anthem Genedlaethol Mecsico. Bu cryn feirniadaeth ar y recordiad oherwydd ei bod wedi addasu'r gan at ei arddull cerddorol hi. O ganlyniad bu ymchwiliad swyddogol i bennu arddull safonol i'r Anthem.

Ym 1942 sefydlodd Seminar Diwylliant Mecsicanaidd a'r Academi Cerddoriaeth a Chân gan wasanaethu fel ei chyfarwyddwr hyd ei farwolaeth. Bu hefyd yn hyfforddi yn g nghynllun Hyfforddiant Opera Genedlaethol yn Teatro de las Bellas Artes yn Ninas Mecsico.

Marwolaeth[golygu | golygu cod y dudalen]

Rhoddodd ei pherfformiad olaf ym 1948 yn yr opera La Gioconda gan Amilcare Ponchielli yn Palacio de Bellas Artesyn ninas Mecsico . Wedi hynny bu'n parhau gyda'i gyrfa fel athrawes cerdd hyd ei farwolaeth yn Ninas Mecsico ym 1968. Cafodd ei oroesi gan ei fab Arrigo Coen Anitúa (1913-2007), ieithydd a newyddiadurwr amlwg ym Mecsico. [6]

Repertoire[golygu | golygu cod y dudalen]

Cyfeiriadau[golygu | golygu cod y dudalen]

Dolenni allanol[golygu | golygu cod y dudalen]

Fanny Anitua yn canu'r Habanera o Carmen