F.C. Progrès Niederkorn

Oddi ar Wicipedia
Jump to navigation Jump to search
Progrès Niederkorn
180px-FC Progrès Niederkorn logo.png
Enw llawn Football Club Progrès
Niederkorn
Sefydlwyd 1919; 101 blynedd yn ôl (1919)
Maes Stade Jos Haupert, Niederkorn
(sy'n dal: 4,830)
Cadeirydd Fabio Marochi
Rheolwr Thomas Gilgemann
Hyfforddwr Roland Vrabec
Cynghrair Uwch Gynghrair Lwcsembwrg
Lliwiau Cartref
Lliwiau Oddi cartref

Mae Football Club Progrès Niederkorn, neu, fel rheol Progrès Niederkorn yn glwb pêl-droed yn nhref Niederkorn, yn ne-orllewin Lwcsembwrg.

Hanes[golygu | golygu cod y dudalen]

Sefydlwyd Progrès ar 14 Awst 1919 o dan yr enw Cercle Sportif. Roedd y cit yn cynnwys crys coch gyda chylch brest gwyn a llewys gwyn a throwsus gwyn. Ar 15 Mawrth 1922, newidiwyd y lliwiau yn crys streipiog du a melyn ac ychydig yn ddiweddarach newidiwyd y trwsus yn ddu.

Erbyn 1923 roedd Progrès wedi esgyn i'r ail adran ac yn 1926 i Uwch Gynghrair Lwcsembwrg sef yr Erste Division fel y gelwyd ar y pryd ac yna'r Nationaldivision. Yn 1933 enillodd Progrés Gwpan Lwcsembwrg (Coupe de Luxembourg) gan ennill 4-1 yn erbyn Union Luxembourg. Dyma oedd anrhydedd gyntaf y clwb.

Yn y cyfnod ble roedd yr Almaen wedi meddiannu Lwcsembwrg yn ystod yr Ail Ryfel Byd, chwaraeodd y clwb yn y Gauliga Moselland (sef cynghrair talaith newydd oedd yn cynnwys rhannau o'r Almaen) o dan enw FK Niederkorn, pan orffennodd yn ail yn 1942–43, y tu ôl i'r pencampwyr TuS Neuendorf.

Gan ennill y gynghrair ddomestig dair gwaith, cyfnod mwyaf llwyddiannus y clwb oedd diwedd y 1970au a dechrau'r 1980au. Nid ydynt wedi ennill unrhyw dlws mawr ers ennill y gynghrair ym 1981.

Yn nhymor 2005-06, daeth Niederkorn yn ail yn ail adran Lwcsembwrg. Wrth i'r adran uchaf, y Nationaldivison, ehangu o ddeuddeg tîm i bedwar ar ddeg, cafodd Niederkorn eu dyrchafu ynghyd â Differdange 03.

Yn nhymor 2016–17 y Nationaldivison, denodd Progrès Niederkorn dorf fwyaf y gynghrair y flwyddyn honno: 1,820. Eu torf gartref, ar gyfartaledd, oedd 710.[1]

Ar 4 Gorffennaf 2017, curodd Progrès F.C. dîm enwog Rangers F.C. o'r Alban yn rownd gymhwyso gyntaf Cynghrair Europa UEFA 2017–18. Gwnaethant golli 0-1 yn Ibrox yn y cymal cyntaf, ac yna ennill 2-0 yn y Stade Jozy Barthel. Y fuddugoliaeth hon hefyd oedd buddugoliaeth gyntaf erioed y clwb mewn pêl-droed Ewropeaidd a'r tro cyntaf iddynt sgorio mwy nag un gôl mewn gêm.[2] Fe wnaethon nhw fwynhau ymgyrch gwell hyd yn oed yn Nghynghrair Europa UEFA 2018-19, gan guro CC FK Gabala a Budapest Honvéd i gyrraedd y trydydd rownd gymhwyso yn erbyn tîm Ufa o Rwsia. Roedd y tei ar fin mynd i amser ychwanegol ond sgoriodd Ufa gôl funud olaf.

Anrhydeddau[golygu | golygu cod y dudalen]

  • Uwch Gynghrair Lwcsembwrg
Enillwyr (3): 1952–53, 1977–78, 1980–81
  • Cwpan Lwcsembwrg
Enillwyr (4): 1932–33, 1944-45, 1976–77, 1977–78

Gemau yn Ewrop[golygu | golygu cod y dudalen]

Tymor Twrnament Rownd Gwrthwynebwyr Cartref Oddi cartref Cyfanswm
goliau
1977–78 Cwpan Enillwyr Cwpannau UEFA 1 Denmarc Vejle Boldklub 0–1 0–9 0–10
1978–79 Cwpan Ewrop 1 Sbaen Real Madrid 0–7 0–5 0–12
1979–80 Cwpan UEFA 1 Y Swistir Grasshopper Club Zürich 0–2 0–4 0–6
1981–82 Cwpan Ewrop 1 Gogledd Iwerddon Glentoran 1–1 0–4 1–5
1982–83 Cwpan UEFA 1 Y Swistir Servette 0–1 0–3 0–4
2015–16 Cynghrair Europa UEFA Cymhwyso 1 Gweriniaeth Iwerddon Shamrock Rovers 0–0 0–3 0–3
2017–18 Cynghrair Europa UEFA Cymhwyso 1 Yr Alban Rangers 2–0 0–1 2–1
Cymhwyso 2 Cyprus AEL Limassol 0–1 1–2 1–3
2018–19 Cynghrair Europa UEFA Cymhwyso 1 Aserbaijan Gabala 0–1 2–0 2–1
Cymhwyso 2 Hwngari Honvéd 2–0 0–1 2–1
Cymhwyso 3 Rwsia Ufa 2–2 1–2 3–4
2019–20 Cynghrair Europa UEFA Rhagbrofol Cymru Met Caerdydd 1–0 1−2 2–2 (g.o.c.)
Cymhwyso 1 Gweriniaeth Iwerddon Dinas Corc 1−2 2–0 3–2
Cymhwyso 2 Yr Alban Rangers 0–0 0−2 0–2

Tîm Menywod[golygu | golygu cod y dudalen]

Mae gan y clwb dîm menywod syn chwarae yn y Dames Ligue 1. Mae'r tîm wedi ennill y gynghrair 15 gwaith ac felly, yn dal y record genedlaethol. Enillwyd y teitl ddiwethaf yn 2010-11 a galluogodd iddynt gystadlu yng Cynghrair Pencampwyr Menywod UEFA yn 2011-12.

Dolenni[golygu | golygu cod y dudalen]

Cyfeiriadau[golygu | golygu cod y dudalen]

  1. http://www.european-football-statistics.co.uk/attn.htm
  2. Ostlere, Lawrence (4 July 2017). "Rangers suffer humiliating loss to Luxembourg side in Europa League qualifying". The Guardian. Cyrchwyd 6 July 2017.