Emyr Llydaw

Oddi ar Wicipedia
Jump to navigation Jump to search
Emyr Llydaw
Dinasyddiaeth Baner Cymru Cymru
Galwedigaeth pendefig Edit this on Wikidata
Cysylltir gyda Tanwg Edit this on Wikidata
Plant Gwen Teirbron, Gwyndaf Hen Edit this on Wikidata

Emyr Llydaw, yn ôl y traddodiad Cymreig, oedd brenin Llydaw yn amser Arthur. Ond er ei fod yn gymeriad yn nhraddodiadau cynnar Cymru, mae 'emyr' yn enw cyffredin sy'n golygu 'ymerodr, arglwydd, brenin,' (cf. emir yn Arabeg) ac mae'n debyg mai teitl cyffredinol ar frenin Llydaw oedd yn wreiddiol.

Ymhlith ei blant yn y ffynonellau Cymraeg ceir Hywel fab Emyr Llydaw, cydymaith y brenin Arthur, Gwen Teir Bron, Canna ac Alan Fergan. Yn ôl Historia Regum Brittanniae Sieffre o Fynwy, cynorthwyodd Emrys Wledig (Ambrosius) ac Uthr Bendragon ar ôl iddynt ffoi i Lydaw.

Ffynhonnell[golygu | golygu cod y dudalen]

  • Rachel Bromwich (gol.), Trioedd Ynys Prydein (Caerdydd, argraffiad newydd 1991). Tud. 346-7.