Elisabeth Dmitrieff

Oddi ar Wicipedia
Jump to navigation Jump to search
Elisabeth Dmitrieff
Elisabeth Dmitrieff.jpg
Ganwyd Елизавета Лукинична Кушелева Edit this on Wikidata
1 Tachwedd 1851 Edit this on Wikidata
Raïon de Toropets Edit this on Wikidata
Bu farw 1918, 1910 Edit this on Wikidata
Moscfa Edit this on Wikidata
Dinasyddiaeth Baner Rwsia Rwsia
Galwedigaeth Gwleidydd, communard, ffeminist, Swffragét Edit this on Wikidata
Llinach House of Kushelev Edit this on Wikidata

Ffeminist Rwsiaidd oedd Elisabeth Dmitrieff (ganwyd 1 Tachwedd 1851) sy'n cael ei hystyried yn nodigedig am ei gwaith fel gwleidydd a communard.

Ganed Elizabeta Luknichna Kusheleva (Rwsieg: Елизавета Лукинична Томановская (née Кушелева)) yn Raïon de Toropets a leolir heddiw yn Toropetsky, Tver Oblast ar 1 Tachwedd 1851 a bu farw yn Moscfa. Roedd yn aelod o'r hyn a elwir yn "Gymuned Paris 1871" (neu'r Commune). Ar 11 Ebrill 1871, cyd-sefydlodd Undeb y Merched, gyda Nathalie Lemel, mewn caffi ar Stryd y Deml.

Roedd Elisabeth Dmitrieff yn ferch i un o swyddogion y Tsar.[1] Bu'n yn weithgar yn ei hieuenctid yng nghylchoedd Sosialaidd St Petersburg, ail ddinas fwyaf Rwsia. Yn 1868, teithiodd i'r Swistir, a chyd-sefydlodd adran Rwsia o'r First International (1864–1876), sef mudiad a geisiai uno holl fudiadau sosialaidd y byd, gan gytnnwys pleidiau, undebau a charfannau milwriaethus.[1] Fe'i danfonwyd i Lundain, ac yno, cyfarfu â Karl Marx, a'i hanfonodd ym mis Mawrth 1871, 20 oed, i gwmpasu digwyddiadau'r Commune.

Cyn hir a hwyr, daeth Dmitrieff yn gyfranogwr yn y digwyddiadau hyn, gan sefydlu gyda Nathalie Lemel, "Undeb y Merched dros Amddiffyn Paris" a Care of the Wounded ar 11 Ebrill 1871. Ymroddodd yn arbennig i gwestiynau gwleidyddol a threfnu gweithdai cydweithredol.

Cyfrannodd Elisabeth Dmitrieff at y papur newydd Sosialaidd La Cause du peuple. Ar ôl brwydro ar y barricades yn ystod "Wythnos y Gwaed", ffodd i Rwsia. Ar ôl cyrraedd ei gwlad enedigol, priododd ddyn a gafodd ei ddyfarnu'n euog o dwyll yn ddiweddarach ac yn 1878 dilynodd ef mewn alltudiaeth yn Siberia, lle bu'n byw tan 1902.

Gwaddol[golygu | golygu cod y dudalen]

Ar 27 Mawrth 2006 penderfynodd cyngor lleol y 3ydd Arrondissement ym Mharis i roi ei henw i sgwâr baychan, rhwng y Rue du Temple a'r Rue de Turbigo, yn agos at y Place de la République. Ailenwyd Sgwâr Elisabeth Dmitrieff ar 8 Mawrth 2007, sef Diwrnod Rhyngwladol y Menywod, ynghyd â'r sgwariau sy'n coffáu Nathalie Lemel a Renée Vivien (yn yr un arrondissement).

Aelodaeth[golygu | golygu cod y dudalen]

Bu'n aelod o Gymdeithas Ryngwladol y Gweithwyr, Undeb Menywod Amddiffyn Paris a Gofalu am y Clwyfedig am rai blynyddoedd.

Anrhydeddau[golygu | golygu cod y dudalen]


Cyfeiriadau[golygu | golygu cod y dudalen]

  1. 1.0 1.1 François Bodinaux, Dominique Plasman, Michèle Ribourdouille. "On les disait 'pétroleuses'..." (Ffrangeg) (archive) (PDF version)