Elinor Barker

Oddi ar Wicipedia
Jump to navigation Jump to search
Elinor Barker
2015 UEC Track Elite European Championships 122.JPG
Barker ym Mhencampwriaeth Trac Ewropeaidd UEC 2015
Gwybodaeth bersonol
Enw llawn Elinor Jane Barker
Ganwyd (1994-09-07) 7 Medi 1994 (24 oed)
Caerdydd, Cymru
Taldra 1.63 m (5 ft 4 in)[1]
Pwysau 56 kg (123 lb; 8.8 st)[1]
Gwybodaeth tîm
Tim presennol Team USN / Matrix Fitness Pro Cycling
Disgyblaeth Trac a ffordd
Rôl Reidiwr
Math reidiwr Ras ymlid/Treialon amser
Tîm(au) amatur
2005–2007 Maindy Flyers
2008 Kidney Wales For Escentual
2009–2011 Cardiff Ajax
2012 Scott Contessa Epic RT[2]
Tîm(au) proffesiynol
2013–2014 Wiggle-Honda
2015– Matrix Fitness Pro Cycling
Diweddarwyd y wybodlen ar
7 Ebrill 2018

Beiciwr Cymreig o Gaerdydd ydy Elinor Jane Barker (ganwyd 7 Medi 1994), sy'n aelod o 'Feicio Cymru' a 'Phrydain', ac ar y ffordd, mae'n aelod o Wiggle High5. Arferai reidio ar y ffordd dros Matrix Fitness Pro Cycling. Mae Barker wedi ennill Pencampwriaeth Ras Ymlid y Byd ddwywaith yn ogystal â medal aur yn yr un gamp yng Ngemau Olympaidd yr Haf yn 2016.

Gyrfa[golygu | golygu cod y dudalen]

Magwyd Elinor Barker yn ardal Mynydd Bychan, Caerdydd, yn ferch i Graham Barker, dirprwy bennaeth yn Ysgol Gyfun St Julian, Casnewydd.[3] Mae ei chwaer Megan, sydd dair blynedd yn iau, hefyd yn feicwraig llwyddianus.[4]

Dechreuodd Barker seiclo gyda'r Maindy Flyers pan oedd yn 10 oed, fel ffordd o osgoi gorfod mynychu dosbarthiadau nofio[3][5]. Mynychodd Ysgol Uwchradd Llanisien ble roedd yn astudio Lefel-A[3] cyn cael ei derbyn yn aelod o Academi Datblygu Olympaidd British Cycling.[4] Wedi iddi ennill y Ras yn erbyn y Cloc ym Mhencampwriaethau Iau y Byd yn 2012 cafodd ei henwebu yn Chwaraewraig Iau y Flwyddyn Carwyn James, yng ngwobrau Personoliaeth Chwaraeon Cymreig y Flwyddyn BBC Cymru[6].

Yn 2013 daeth yn Bencampwr y Byd fel aelod o dîm Ras Ymlid Prydain Fawr ym Mhencampwriaethau Trac y Byd yn Minsk, Belarws gyda Laura Trott a Dani King[7] a llwyddodd i amddiffyn y goron yn Cali, Colombia yn 2014 ynghyd â Laura Trott, Katie Archibald a Joanna Rowsell[8].

Roedd yn aelod o dîm Cymru yng Ngemau'r Gymanwlad 2014 yn Glasgow, Yr Alban gan ennill medal arian yn y Ras bwyntiau ac efydd yn y Ras scratch[9][10].

Yng Ngemau Olympaidd 2016 yn Rio de Janeiro, Brasil enillodd Barker fedal aur fel aelod o dîm ras ymlid Prydain Fawr gyda Joanna Rowsell, Laura Trott a Katie Archibald gyda'r pedwarawd yn llwyddo i dorri y record byd yn y rownd derfynol[11].

Ym Mhencampwriaethau'r Byd yn 2017 casglodd Barker ddwy fedal arian yn y Ras scratch a'r madison, ochr yn ochr ag Emily Nelson[12][13] cyn cipio ei choron unigol cyntaf wrth ennill Pencampwriaeth y Byd yn y Ras bwyntiau[14]

Yn 2018 llwyddodd i ennill fedal aur yn y Ras bwyntiau yng Ngemau'r Gymanwlad ar yr Arfordir Aur, Awstralia[15].

Cyfeiriadau[golygu | golygu cod y dudalen]

  1. 1.0 1.1 "Elinor Barker: Biography". Glasgow 2014. http://results.glasgow2014.com/athlete/cycling_track/1033946/e_barker.html. Adalwyd 28 July 2014.
  2. "Individual/Points". British Cycling. http://www.britishcycling.org.uk/points. Adalwyd 23 January 2013.
  3. 3.0 3.1 3.2 Simon Gaskell (2012-09-18). "Cycling gold for Elinor Barker at World Road Championships in Holland". Wales Online. http://www.walesonline.co.uk/cardiffonline/cardiff-news/2012/09/18/cycling-gold-for-elinor-barker-at-world-road-championships-in-holland-91466-31862577/.
  4. 4.0 4.1 Chris Sidwells (2012-11-22). "Ride: Elinor Barker in South Wales". Cycling Weekly. http://www.cyclingweekly.co.uk/news/latest/535729/ride-elinor-barker-in-south-wales.html.
  5. Alasdair Fotheringham (2012-09-19). "Cycling: Elinor Barker shows next generation is in very safe hands". The Independent. http://www.independent.co.uk/sport/general/others/cycling-elinor-barker-shows-next-generation-is-in-very-safe-hands-8153400.html.
  6. Rebecca Ransom (2012-12-11). "Elinor Barker named Carwyn James Iau Sportswoman of the Year". British Cycling. http://www.britishcycling.org.uk/wales/article/20121211-welsh-cycling-news-Elinor-Barker-named-Carwyn-James-Iau-Sportswoman-of-the-Year-0.
  7. "Women's Team Pursuit / Poursuite par équipes femmes Results and Final Classification / Résultats et classement final" (pdf). http://www.tissottiming.com/File/Download?id=00030A0004021501FFFFFFFFFFFFFF02.
  8. "Women's Team Pursuit / Poursuite par équipes femmes Results and Final Classification / Résultats et classement final" (pdf). http://www.tissottiming.com/File/Download?id=00030B0001021501FFFFFFFFFFFFFF02.
  9. "Commonwealth Games 2014: Olympic champion Geraint Thomas and world sprint star Becky James head up Welsh cycling team for Glasgow". Wales Online. 2014-07-09. http://www.walesonline.co.uk/sport/other-sport/cycling/commonwealth-games-2014-olympic-champion-7234116.
  10. "Glasgow 2014 day four: Elinor Barker denied gold by Laura Trott"". BBC Sport. 2014-07-27. http://www.bbc.co.uk/sport/0/commonwealth-games/28504528.
  11. "Wales' Elinor Barker wins gold medal in team pursuit". BBC Sport. 2018-08-14. http://www.bbc.co.uk/sport/wales/37074108.
  12. "Track Cycling World Championships: Elinor Barker pipped for gold". BBC Sport. 2017-04-12. https://www.bbc.co.uk/sport/cycling/39578699.
  13. "Track Cycling Worlds: Elinor Barker & Emily Nelson win madison silver". BBC Sport. 2017-04-15. https://www.bbc.co.uk/sport/cycling/39609308.
  14. "World Track Cycling Championships: Elinor Barker wins world points race gold". BBC Sport. 2017-04-16. https://www.bbc.co.uk/sport/cycling/39613095.
  15. "Commonwealth Games: Elinor Barker wins points race gold, Scots complete podium". BBC Sport. 2018-04-07. http://www.bbc.co.uk/sport/commonwealth-games/43680669.

Dolenni allanol[golygu | golygu cod y dudalen]