Eka Pada Rajakapotasana (Brenin y Colomennod)

Oddi ar Wicipedia
Eka Pada Rajakapotasana
Enghraifft o'r canlynolasana Edit this on Wikidata
Mathasanas eistedd Edit this on Wikidata
Tudalen Comin Ffeiliau perthnasol ar Gomin Wicimedia

Asana neu safle ioga yw Eka Pada Rajakapotasana (Sansgrit: एक पाद राजकपोतासन; IAST: Eka Pada Rājakapotāsana) neu Brenin y Colomennod [Un-goes][1]. Yn y safle hon, mae'r cefn yn plygu yn ei ôl, tra bod y person yn eistedd. Caiff ei defnyddio fel rhan o ymarferion ioga modern fel ymarfer corff. Enw'r asana (neu 'osgo') yma o fewn Ioga Yin yw'r Alarch, a cheir hefyd amrywiad ioga awyr, a gefnogir gyda'r defnydd o hamog, sef Clomen yn Hedfan.

Geirdarddiad[golygu | golygu cod]

Daw'r enw o'r geiriau Sansgrit "eka" (एक) sy'n golygu "un"; "pada" (पाद) sy'n golygu "troed", "raja" (राज) sy'n golygu "brenin", kapota (कपोत) sy'n golygu "colomen"[1]"Eka Pada Raja Kapotasana - AshtangaYoga.info". Cyrchwyd 2011-04-09."Eka Pada Raja Kapotasana - AshtangaYoga.info". Retrieved 2011-04-09.</ref> ac asana (आसन) sy'n golygu "osgo" neu "safle'r corff".[2]

Disgrifir yr ystum yn yr 20g gan ddau o ddisgyblion Krishnamacharya, Pattabhi Jois yn ei Ioga ashtanga vinyasa,[3] a BKS Iyengar yn ei Light on Yoga.[4]

Disgrifiad[golygu | golygu cod]

Gan ddechrau o'r eistedd yn Dandasana, mae un pen-glin wedi'i blygu, gan gadw'r pen-glin ar y llawr, felly mae'r droed ychydig o flaen y werddyr, a chymerir y goes arall yn syth yn ôl. Ar gyfer yr asana gorffenedig, mae pen-glin y y goes ôl yn plygu, a'r dwylo'n gafael yn y droed neu'r ffêr gydag un llaw neu'r ddwy law.[4]

Amrywiadau[golygu | golygu cod]

  • Brenin y Colomennod gyda chymorth - sef y Salamba Kapotasana, mae'r goes gefn yn syth allan ac mae'r dwylo ar y llawr wrth ymyl y cluniau, felly mae plug yr asgwrn cefn yn cael ei leihau. Os yw'n gyfforddus, efallai y bydd y cefn yn fwaog a'r llygaid yn cael eu cyfeirio'n syth i fyny.[5][6]
  • Yn yr asana Colomen mewn Cwsg (neu'r Alarch yng Nghwsg mewn Ioga Yin[7]), mae'r goes ôl yn syth gyda'r corff a'r breichiau wedi'u hymestyn ymlaen dros y goes sydd ymlaen wedi'i phlygu. Mae'r asana hwn weithiau'n cael ei alw'n "Golomen",[8] ond mae'n osgo hollol wahanol i Kapotasana, gyda'i gefnblyg wrth benglinio.[4][9][10]
  • Yn Ioga Awyr, mae'r osgo Clomen Ehedog yn amrywiad a gefnogir gan hamog gydag un troed wedi'i fachu ar draws blaen yr hamog.
  • Osgo'r Alarch yn Ioga Yin - asana tebyg i Salamba Kapotasana.[7] Ceir amrywiad 'Cwsg', lle mae'r corff yn plygu ymlaen dros y goes sydd wedi ei phlygu.[9]
    Osgo'r Alarch yn Ioga Yin - asana tebyg i Salamba Kapotasana.[7] Ceir amrywiad 'Cwsg', lle mae'r corff yn plygu ymlaen dros y goes sydd wedi ei phlygu.[9]
  • Dosbarth Ioga Awyr yn ymarfer 'Y Glomen Ehedog gyda chymorth hamog[11]
    Dosbarth Ioga Awyr yn ymarfer 'Y Glomen Ehedog gyda chymorth hamog[11]

Gweler hefyd[golygu | golygu cod]

  • Anjaneyasana, asana y Lleugad Cilgant, sy'n perthyn yn agos, gyda'r droed blaen ar y llawr a'r pen-glin blaen wedi'i godi

Cyfeiriadau[golygu | golygu cod]

  1. ↑ 1.0 1.1 "Eka Pada Raja Kapotasana - AshtangaYoga.info". Cyrchwyd 2011-04-09.
  2. ↑ Sinha, S. C. (1996). Dictionary of Philosophy. Anmol Publications. t. 18. ISBN 978-81-7041-293-9.
  3. ↑ Sjoman, Norman E. (1999) [1996]. The Yoga Tradition of the Mysore Palace. Abhinav Publications. tt. 100–101. ISBN 81-7017-389-2.
  4. ↑ 4.0 4.1 4.2 Iyengar, B. K. S. (1979) [1966]. Light on Yoga: Yoga Dipika. Thorsons. tt. 389–399. ISBN 978-1855381667. Gwall cyfeirio: Tag <ref> annilys; mae'r enw "LoY" wedi'i ddiffinio droeon gyda chynnwys gwahanol
  5. ↑ Kirk, Martin; Boon, Brooke (2006). Hatha Yoga Illustrated. Human Kinetics. t. 118. ISBN 978-0-7360-6203-9.
  6. ↑ "Salamba Kapotasana". Yogapedia. Cyrchwyd 24 Gorffennaf 2019.
  7. ↑ 7.0 7.1 "Swan". Yin Yoga. Cyrchwyd 24 Gorffennaf 2019. Similar Yang Asanas: Proud Pigeon (Rajakapotasana). Gwall cyfeirio: Tag <ref> annilys; mae'r enw "Yin" wedi'i ddiffinio droeon gyda chynnwys gwahanol
  8. ↑ Lidell, Lucy; The Sivananda Yoga Centre (1983). The Book of Yoga: the complete step-by-step guide. Ebury. tt. 132–133. ISBN 978-0-85223-297-2. OCLC 12457963.
  9. ↑ 9.0 9.1 Crandell, Jason (17 Mawrth 2016). "Master Sleeping Pigeon Pose in 4 Steps". Yoga Journal. Gwall cyfeirio: Tag <ref> annilys; mae'r enw "YJSleeping" wedi'i ddiffinio droeon gyda chynnwys gwahanol
  10. ↑ Rizopoulos, Natasha (16 Gorffennaf 2008). "The King of Hip Openers: Pigeon Pose". Yoga Journal.
  11. ↑ Dortignac, Michelle (17 Mehefin 2015). "The Aerial Yoga Sequence: 9 Poses to Defy Gravity". Yoga Journal. Cyrchwyd 4 Mehefin 2018.Dortignac, Michelle (17 Mehefin 2015). "The Aerial Yoga Sequence: 9 Poses to Defy Gravity". Yoga Journal. Retrieved 4 June 2018.
Wedi dod o "https://cy.wikipedia.org/w/index.php?title=Eka_Pada_Rajakapotasana_(Brenin_y_Colomennod)&oldid=11816778"