Eisteddfod Genedlaethol Cymru y Garreg Las 2026
| ← Blaenorol | Nesaf → | |
| Lleoliad | Llantwd, Sir Benfro | |
|---|---|---|
| Cynhaliwyd | 1-8 Awst 2026 | |
| Archdderwydd | Mererid Hopwood | |
| Cadeirydd | John Davies | |
| Gwefan | eisteddfod.cymru/2026 | |
Cynhelir Eisteddfod Genedlaethol Cymru y Garreg Las 2026 yn Sir Benfro rhwng 1 ac 8 Awst 2026.
Yng Ngorffennaf 2024 cytunodd cabinet Cyngor Sir Penfro yn unfrydol i wahodd yr Eisteddfod Genedlaethol i Lantwd yn 2026. Ar 19 Medi 2024 cadarnhaodd yr Eisteddfod mai Sir Benfro fyddai cartref y brifwyl yn 2026. Bydd dalgylch yr ŵyl hefyd yn cynnwys cymunedau yn ne Ceredigion a Sir Gaerfyrddin. Mae 2026 hefyd yn nodi 850 o flynyddoedd ers cynnal yr Eisteddfod gyntaf yn Aberteifi yn 1176, dan nawdd yr Arglwydd Rhys.[1]
Yn Nhachwedd 2024 cyhoeddwyd mai John Davies, cyn-arweinydd Cyngor Sir Penfro, sydd wedi ei benodi yn Gadeirydd y Pwyllgor Gwaith. Etholwyd Tegryn Jones, prif weithredwr Awdurdod Parc Cenedlaethol Arfordir Sir Benfro. yn is-gadeirydd strategol yr Eisteddfod; Carys Ifan, cyfarwyddwr Canolfan Egin yn is-gadeirydd diwylliannol. Cris Tomos, sy'n gweithio i PLANED - elusen datblygu cymunedol, fydd yn gyfrifol am y gronfa leol. Ysgrifennydd y pwyllgor gwaith yw Non Davies, rheolwr corfforaethol dros ddiwylliant a’r Gymraeg gyda Chyngor Sir Ceredigion.[2]
Ar 17 Mai 2025 daeth dros fil o drigolion lleol ac aelodau Gorsedd Cymru ynghyd yn Arberth i ddathlu dyfodiad yr Eisteddfod i'r ardal. Yn dilyn yr orymdaith cynhaliwyd seremoni liwgar yng Nghylch yr Orsedd. Cyflwynodd John Davies y copi cyntaf o’r Rhestr Testunau i’r Archdderwydd.[3]
Ar 20 Ebrill 2026, cyhoeddwyd y bydd y Super Furry Animals yn perfformio ar faes yr Eisteddfod fel rhan o'u taith. Dyma fyddai’r tro cyntaf i’r band berfformio yn y brifwyl ers 30 mlynedd.[4]
Anrhydeddau'r Orsedd
[golygu | golygu cod]Cyhoeddwyd y byddai'r canlynol yn cael eu hurddo i Orsedd y Beirdd [5]
Gwyrdd[golygu | golygu cod]
|
Glas[golygu | golygu cod]
|
Tu allan i Gymru[golygu | golygu cod]
|
Cyfeiriadau
[golygu | golygu cod]- ↑ "Cadarnhad mai Sir Benfro fydd cartref Eisteddfod Genedlaethol 2026". BBC Cymru Fyw. 2024-09-19. Cyrchwyd 2025-08-03.
- ↑ "Cyhoeddi prif swyddogion Eisteddfod Genedlaethol Sir Benfro 2026". BBC Cymru Fyw. 2024-11-13. Cyrchwyd 2025-08-03.
- ↑ "Dros fil yn gorymdeithio i groesawu'r Eisteddfod i ardal y Garreg Las | Eisteddfod". eisteddfod.cymru. Cyrchwyd 2025-08-03.
- ↑ "Super Furry Animals yn perfformio yn yr Eisteddfod Genedlaethol". Golwg360. 20 Ebrill 2026. Cyrchwyd 23 Ebrill 2026.
- ↑ "Cyhoeddi Urddau'r Orsedd Eisteddfod y Garreg Las". Eisteddfod Genedlaethol Cymru. 7 Mai 2026.