Edwin ap Hywel
| Edwin ap Hywel | |
|---|---|
| Bu farw | 954  |
| Dinasyddiaeth |  Cymru |
| Galwedigaeth | teyrn |
| Swydd | brenin |
| Tad | Hywel Dda |
| Mam | Elen ferch Llywarch |
Cyd-frenin Deheubarth oedd Edwin ap Hywel (bu farw 954).[1]
Bywgraffiad[golygu | golygu cod]
Roedd Rhodri yn fab i Hywel Dda, ac efallai fod y ffaith i Edwin gael enw Eingl-Sacsoneg yn adlewyrchiad o bolisi gwleidyddol ei dad. Ar farwolaeth Hywel yn 950, rhannwyd ei deyrnas rhwng Edwin a'i ddau frawd, Rhodri ac Owain. Ni lwyddodd y llinach i gadw eu gafael ar Wynedd oedd wedi bod yn rhan o deyrnas eu tad ers 942. Gallodd meibion Idwal Foel, Iago ab Idwal ac Ieuaf ab Idwal, gipio grym yno.[2]
Yn 952 ymosododd Iago ac Ieuaf ar Ddeheubarth, gan gyrraedd cyn belled a Dyfed. Y flwyddyn wedyn, arweiniodd meibion Hywel gyrch yn erbyn y gogledd, gan gyrraedd cyn belled a Dyffryn Conwy cyn cael eu gorchfygu mewn brwydr ger Llanrwst a'u gorfodi i ddychwelyd i Geredigion.[2]
Bu farw Rhodri yn 953 ac yna Edwin ei hun yn 954, gan adael Owain ap Hywel yn frenin Deheubarth.[2]
Cyfeiriadau[golygu | golygu cod]
- ↑ John Davies (2007) Hanes Cymru (Penguin).
- ↑ 2.0 2.1 2.2 John Edward Lloyd (1911) A history of Wales from the earliest times to the Edwardian conquest (Longmans, Green & Co.).
| Rhagflaenydd: Hywel Dda |
Brenin Deheubarth 950 – 954 gyda Rhodri ap Hywel (hyd 953) ac Owain ap Hywel |
Olynydd: Owain ap Hywel |