Ed Holden
| Ed Holden | |
|---|---|
| Ffugenw | Ed Holden  |
| Ganwyd | 1980s Llanelwy |
| Man preswyl | Llanfrothen |
| Dinasyddiaeth |  Cymru |
| Alma mater | |
| Galwedigaeth | rapiwr, beatboxer |
| Gwefan | http://www.mrphormula.com/ |
Mae Ed Holden neu i roi ei enw llwyfan, Mr Phormula yn un o arloeswyr y sîn bît-bocsio yn y Deyrnas Unedig ac yn sicr yng Nghymru. Mae'n rapiwr, bît-bocsiwr, perfformiwr ac yn rhedeg ei stiwdio recordio ei hun, Stiwdio Panad[1] yn Llanfrothen, Gwynedd.
Bywyd cynnar[golygu | golygu cod]
Ganwyd Ed Holden yn Llanelwy a magwyd yn Llanerchymedd ac yna Amlwch, Ynys Môn ac aeth i Ysgol Syr Thomas Jones. Yn 21 oed rhoddodd gorau i'w swydd mewn canolfan alwadau er mwyn mynd yn gerddor, cynhyrchydd a pherfformiwr llawn amser. Bydd hefyd yn rhoi gwersi rapio a bît bocsio mewn ysgolion a chlybiau.[2]
Gyrfa[golygu | golygu cod]
Mae Ed Holden/Mr Phormula wedi chwarae rhan flaenllaw yn y Sôn Roc Gymraeg ers canol yr 2000au.
Dechreuodd ddiddordeb Ed yn y Sîn Roc Gymraeg pan oedd yn 17 oed a cyflwynodd Aaron Elias o'r grŵp Pep Le Pew, gasét o fiwsig Cymraeg iddo. Dyma oedd y tro cyntaf i Ed glywed rap yn y Gymraeg. Yn ôl wefan Llywodraeth Cymru fel rhan o ymgyrch Dydd Miwsig Cymru 2018, "Wnes i wrando ar y cassette a clywed rap yn yr iaith Gymraeg am y tro cynta’ erioed, wow! Felly wnes i ymuno efo’r band a dyna be gychwynodd fy ngyrfa yn y diwydiant cerddoriaeth Cymraeg."[3] Wedi'r profiad yma, ymunodd Ed gyda grŵp Pep le Pew o Borthmadog ar ddechrau'r Mileniwm.
Roedd yn aelod o grŵp rap chwaraeus, Genod Droog oedd yn cynnwys unigolion sydd wedi mynd ymlaen i chwarae rhan amlwg ym mywyd cerddoriaeth a diwylliant Cymru gan gynnwys y prifardd Aneirin Karadog, y cyflwynydd a chynhyrchydd radio, Dyl Mei, a'r cyflwynydd ar Radio Cymru, Gethin Evans.
Mae hefyd wedi perfformio efo Derwyddon Dr Gonzo - band boblogaidd a dylwanwadol arall.
Ers diwedd y Genod Droog, mae Ed wedi parhau i berfformio a chyfansoddi. Ef yw pencampwr Lwpio Cymru ar hyn o bryd, ac yn 2013, bu’n is-bencampwr Lwpio’r DU.
Mae wedi gweithio gyda rhai o fawrion y byd hip hop gan gynnwys The Pharcyde, Jungle Brothers, Boy better Know, Plan B, Professor Green a’r chwedlonol Krs-One, ac mae hyn oll yn dangos ansawdd a chwmpas doniau cynhyrchu Mr Phormula sy’n ategu natur farddonol ei ddwyieithrwydd.
Mae Mr Phormula’n un o’r artistiaid mwyaf prysur yn sîn hip hop y DU, ac mae wedi perfformio mewn nifer o leoliadau, clybiau nos a gwyliau (gan gynnwys Neuadd Albert yn Llundain), yn ogystal ag ymddangosiadau lawer ar deledu a radio Cymreig a Phrydeinig. Yn 2012 daeth y person gyntaf i berfformio yn y Gymraeg yng ngwobrau MOBO yn y Liverpool Arena.[2]
Mae’i waith newydd arloesol yn datblygu’r sîn hip hop yng Nghymru yn ogystal â hyrwyddo’r genre dwyieithog ar draws y byd.
Stiwdio Panad[golygu | golygu cod]
Sefydlodd Ed Holden Stiwdio Panad yn Llanfrothen. Mae Stiwdio Panad yn fan cynhyrchu i ddeunydd gwreiddiol Ed Holden a “Panad Productions”. He is 6,4
Disgograffi[golygu | golygu cod]
- 2017 – Mr Phormula – Llais / Voice
- 2017 – Mr Phormula – Cwestiynau / Questions (sengl)
- 2016 – Mr Phormula – Llwybrau EP
- 2016 – Mr Phormula – Un Ffordd EP
- 2014 - Mr Phormula – Be ti’n Gweld EP
- 2014 - Mr Phormula – Cymud (albuwm)
- 2013 - Sleepbeggar – Me leaving me EP (prosiect ar y cyd)
- 2012 - Mr Phormula – Minority EP
- 2011 - Y Bwgan – Recordiau coch (cynhyrchu trac a chasgliad)
- 2010 - Mr Phormula – Forward thinking albwm
- 2009 - Pen-Ta-Gram – Twisted Tongues abwm (prosiect ar y cyd)
- 2009 - Barddoniaeth boced-din – Raps heddiw publication
- 2008 - Genod Droog – Ni oedd Y Genod Droog albwm
- 2008 - Dybl L - Gesha pwy sy nôl?' (prosiect ar y cyd)
- 2008 - Y Diwygiad – HYMN 808 albwm (prosiect ar y cyd)
- 1972 - Spiderman
- 2982- blue buggie
Dolenni[golygu | golygu cod]
- Ed Holden ar Twitter
- Gwefan Mr Phorumla
- Mr Phormula ar Bandcamp
- Fideo Hyrwyddo Gwaith
- Bît Bocsio yn y car
- Alys Williams, Mr Phormula a Cherddorfa y Welsh Pops yn perfformio Gweld y Byd Mewn Lliw yn Gig y pafiliwn 2017