Dusolina Giannini
| Dusolina Giannini | |
|---|---|
 | |
| Ganwyd | 19 Rhagfyr 1902  Philadelphia |
| Bu farw | 29 Mehefin 1986 Zürich |
| Dinasyddiaeth |  UDA |
| Galwedigaeth | canwr opera |
| Math o lais | soprano |
| llofnod | |
 | |
Roedd Dusolina Giannini (19 Rhagfyr 1902 - 29 Mehefin 1986) yn soprano Americanaidd o dras Eidalaidd a oedd yn nodedig am ei pherfformiadau o arlwy opera'r Eidal.[1]
Cefndir[golygu | golygu cod]
Ganed Giannini yn Philadelphia i rieni o'r Eidal ac astudiodd gyda'i thad, Ferruccio Giannini, a oedd yn denor ac yn rhedeg ei gwmni opera ei hun. Roedd ei mam, Antonietta Briglia-Giannini, yn feiolinydd rhagorol. Roedd ei chwaer, Euphemia Giannini Gregory, hefyd yn gantores ac yn athrawes gerdd, daeth un o’i brodyr yn sielydd a’r llall, Vittorio Giannini, yn gyfansoddwr adnabyddus.[2] Cafodd wersi canu gan ei thad ac wedyn gan Marcella Sembrich yn Ninas Efrog Newydd.
Gyrfa[golygu | golygu cod]
Dechreuodd Giannini ei gyrfa fel cantores cyngerdd ym 1923, yn Efrog Newydd, gan ymddangos yn Lloegr hefyd.[3]
Gwnaeth ei début operatig yn Hamburg ym 1925 yn chware rôl y teil yn Aida gan Giuseppe Verdi. Aeth ymrwymiadau dilynol â hi i Ferlin, Fienna a Covent Garden, yn ogystal ag i Salzburg (1934-6), lle canodd Donna Anna yn Don Giovanni, Mozart o dan arweiniad Bruno Walter ac Alice Ford yn Falstaff Verdi o dan Arturo Toscanini. Yn 1938 creodd rhan Hester Prynne yn The Scarlet Letter, opera gan ei brawd, Vittorio. Dechreuodd ei gyrfa yn Opera Metropolitan, Efrog Newydd gydag Aida ym 1936 a pharhaodd tan 1941.[4] Yn ystod y cyfnod hwnnw bu hefyd yn chwarae rhan Donna Anna, Santuzza yn Cavalleria rusticana a rôl y teitl yn Tosca. Ar ôl ymddangos yn Chicago (1938-42) a San Francisco (1939-43) cymerodd ran yn nhymor cyntaf Opera Dinas Efrog Newydd (1943), fel Tosca yn y sioe agoriadol, ac yna yn rôl deitl Carmen a gan adfer ei rôl fel Santuzza. Gwahoddodd Siegfried Wagner hi i ganu Kundry yn Parsifal yng Ngŵyl Bayreuth, ond, fel yr esboniodd Giannini, "ymyrrodd dyn o’r enw Hitler â fy nghynlluniau.[5] Ar ôl yr Ail Ryfel Byd, parhaodd i ymddangos ym Mharis, Llundain, Berlin a Fienna.
Ymddeolodd o'r llwyfan ar ddechrau'r 1960au ac yna trodd at ddysgu, yn Zurich yn bennaf.
Marwolaeth[golygu | golygu cod]
Bu farw yn Zurich yn 83 mlwydd oed.
Cyfeiriadau[golygu | golygu cod]
- ↑ Macy, Laura (gol); The Grove Book of Opera Singers, tud 189; Giannini, Dusolina. Gwasg Prifysgol Rhydychen (2008). ISBN 9780195337655
- ↑ Gramaphone review, Dusolina Giannini (1902-1986) adalwyd 17 Gorffennaf 2020
- ↑ MUSIC AND DRAMA. (1924, Hydref 25). The Sydney Morning Herald (NSW : 1842 - 1954), tud.. 12. adalwyd 17 Gorffennaf 2020
- ↑ New York Times, 13 Chwefror 1936, DUSOLINA GIANNINI HAS OPERA DEBUT; She Appears in Title Role of 'Aida' at Matinee in Behalf of New York Diet Kitchen. REVEALS HIGH LYRIC SKILL Audience Receives Her Warmly -- Rose Bampton Sings Amneris for the First Time. adalwyd 17 Gorffennaf 2020
- ↑ Cengage Encyclopedia Giannini, Dusolina (1900-1986) adalwyd 17 Gorffennaf 2020