Diwrnod Nakba
| Enghraifft o: | digwyddiad, diwrnod, gwrth-ddathliad  |
|---|---|
| Dyddiad | 1948, 1920 |
| Dynodwyr | |
| Quora | Nakba |
 Ffeiliau perthnasol ar Gomin Wicimedia | |
Diwrnod Nakba (Arabeg: يوم النكبة Yawm an-Nakbah, sy'n golygu "diwrnod y drychineb") yw'r enw a roddir ar ddiwrnod arbennig (15 Mai) i gofio am Al Nakba, y diwrnod hwnnw yn 1948 pan gollodd y Palesteiniaid eu tir i Israel.[1]
Ym 1998 galwodd arweinydd y Palesteiniaid, sef Yasser Arafat ar ei bobl i gynnal cyfarfodydd i nodi pwysigrwydd y diwrnod.
Ar 23 Mawrth 2011, pleidleisiodd y Knesset newidiadau yng nghyllideb Llywodraeth Israel, er mwyn rhoi'r hawl iddynt leihau nawdd ariannol i unrhyw gorff neu fudiad a oedd yn ymwneud â threfniadau Diwrnod Nabka, mewn unrhyw fodd.
Deffroad Arabaidd, 2011
[golygu | golygu cod]Yn dilyn llawer o brotestiadau yn ymledu drwy'r Dwyrain Canol, protestiadau a gwrthryfeloedd a ellir eu hadnabod fel "Y Gwanwyn Arabaidd" roedd y teimlad hwn o chwyldro wedi cyrraedd y Palesteiniaid erbyn Mai 2011.
Hwn oedd 63ain Diwrnod Nakba'r Palesteiniaid. Y tro hwn daethant ar brotest heddychlon at ffiniau de facto Israel o'r Lan Orllewinol, Llain Gaza a Libanus i ddathlu'r Ŵyl. Saethwyd o leiaf 12 ohonynt gan filwyr Israel gyda bwledi rwber wrth iddynt daflu cerrig at y milwyr.[2][3] Cafwyd protestiadau enfawr drwy'r Tiriogaethau Palesteinaidd a thu hwnt. Yn yr Aifft ceisiodd y protestwyr gymeryd drosodd llysgenhadaeth Israel, ac anafwyd 120 o Eifftiaid. Mewn protest yng ngorllewin Jeriwsalem, arestiwyd dros 70 o Balesteiniaid. Daeth degau o gannoedd o bobl ynghyd wrth ffin Libanus ac Israel a lladdwyd o leiaf pedwar gan fyddin Israel. Cyfiawnhaodd Prif Weinidog Israel, Benjamin Netanyahu ymateb ei wlad gan ddatgan eu bod yn benderfynol o amddiffyn ffiniau Israel a'u sofraniaeth.[4]
Dolen allanol
[golygu | golygu cod]Gweler hefyd
[golygu | golygu cod]Cyfeiriadau
[golygu | golygu cod]- ↑ tudalen= 102; teitl = History in Dispute: The Middle East since 1945; awdur=David W. Lesch, Benjamin Frankel; rhifyn= cyhoeddwr= St. James Press; blwyddyn= 2004; ISBN = 1558624724, 9781558624726.
- ↑ Arab spring puts Palestine back on agenda Financial Times. 16-05-2011. Adalwyd ar 16-05-2011
- ↑ Israeli troops clamp down on 'Nakba' protest at Qalandia Gwefan Al Jazeera. 16-05-2011. Adalwyd 16-05-2011
- ↑ Palestinians emboldened by Arab Spring Gwefan BBC News. 16-05-2011. Adalwyd ar 16-05-2011
Gweler hefyd
[golygu | golygu cod]Dolenni allanol
[golygu | golygu cod]- Map sy'n dangos lle mae UNRWA yn weithgar (cliciwch arno i'w ehangu)
