Deftones

Oddi ar Wicipedia
Deftones
Enghraifft o'r canlynolband roc Edit this on Wikidata
GwladUnol Daleithiau America Edit this on Wikidata
Label recordioWarner Music Group Edit this on Wikidata
Dod i'r brig1988 Edit this on Wikidata
Dechrau/Sefydlu1988 Edit this on Wikidata
Genrealternative metal, metal newydd Edit this on Wikidata
Yn cynnwysChi Cheng Edit this on Wikidata
Gwefanhttp://www.deftones.com Edit this on Wikidata
Tudalen Comin Ffeiliau perthnasol ar Gomin Wicimedia

Grŵp roc Saesneg o Sacramento, California ydy'r Deftones, a sefydlwyd ym 1988. Mae'r band yn cynnwys Chino Moreno, Stephen Carpenter, Chi Cheng, Frank Delgado ac Abe Cunningham. Ar hyn o bryd, mae Sergio Vega yn cymryd lle Chi Cheng ar y bâs wrth iddo wella ar ôl damwain car. Maent wedi rhyddhau chwe albwm stiwdio (tri sydd wedi mynd yn blatinwm). Eu halbwm stiwdio diweddaraf yw Koi No Yokan, a ryddhawyd yng ngwanwyn 2012.

Hanes[golygu | golygu cod]

Blynyddoedd Cynnar (1988-1993)[golygu | golygu cod]

Pan oedd Stephen Carpenter yn 15 mlwydd oed, cafodd ei daro gan gar. Bu'n gaeth i gadair olwyn am rai misoedd, a dechreuodd ddysgu'r gitâr ei hun. Honnir i yrrwr y car dalu Carpenter arian parod a ganiataodd i'r band brynu offer,[1] ond dywedodd Cunningham mewn cyfweliad mai chwedl oedd hyn "am sut y cychwynnodd y band."[2]

Aeth Carpenter, Moreno, a Cunningham i'r un ysgol uwchradd. Roeddynt yn gyfeillion plentyndod ac arhosodd y tri'n ffrindiau trwy gyfnod y ddamwain yn Sacramento.[1] Pan ddarganfu Moreno fod Carpenter yn chwarae gitâr, sefydlodd sesiwn jamio gyda Cunningham, a dechreuodd y tri i chwarae yn rheolaidd yng ngarej Carpenter tua 1989. Ar ôl chwarae gyda nifer o faswyr gwahanol, setlodd y tri ar Chi Cheng a chofnodi pedwar trac arddangos yn fuan ar ôl hynny. O fewn dwy flynedd, dechreuodd y band chwarae mewn clybiau ac ehangu ar yr ardal lle byddent yn perfformio o San Francisco i Los Angeles, lle maent wedi chwarae ochr yn ochr â bandiau fel Korn. Wrth orffen perfformio ar gyfer band arall yn LA, ar ôl i ran fwyaf o'r gynulleidfa adael, creodd y band argraff ar gynrychiolydd Maverick Records. Arwyddwyd y band yn fuan wedyn i'r label ar ôl chwarae tair o'u caneuon i Freddy DeMann a Guy Oseary.

Carpenter a fathodd enw'r band, trwy gyfuno'r term hip hop "def," gyda'r ôl-ddodiad "-tones," a oedd yn ôl-ddodiad poblogaidd ymysg bandiau'r 50au. Dywedodd e fod yr enw yn amwys yn fwriadol i adlewyrchu tueddiad y band i beidio â chanolbwyntio ar un math o gerddoriaeth.

Adrenaline (1994-1996)[golygu | golygu cod]

Recordiwyd albwm gyntaf y band, Adrenaline, yn Bad Animals Studio yn Seattle, Washington, a rhyddhawyd ar 3 Hydref 1995. Cafodd ei chynhyrchu gan Deftones a Terry Date, a aeth ymlaen i gynhyrchu tri albwm nesaf y band.

Cafodd Adrenaline ei hardystio yn blatinwm ar 23 Medi 2008 gan y RIAA, i gydnabod 1,000,000 o unedau a werthwyd.

Around the Fur (1997–1999)[golygu | golygu cod]

Cafodd ail albwm y Deftones, Around the Fur, ei chofnodi yn Studio Litho yn Seattle, Washington a chynhyrchu gan Terry Date. Rhyddhawyd ar 26 Hydref, 1997, mae'r albwm yn cynnwys cydweithrediad efo’r canwr Max Cavalera (o Sepultura a Soulfly) ar "Headup", deyrnged i lysfab hwyr Cavalera, Dana Wells. Er nad oedd yn aelod o'r band eto, cafodd Frank Delgado ei gredydu fel "sain" ar bump o draciau'r albwm a gwraig Abe Cunningham, Annalynn, yn rhoi llais gwadd ar "MX".

White Pony (2000-2002)[golygu | golygu cod]

Mae Moreno wedi cael ei gredydu am gyfrannu gitâr o White Pony ymlaen.

Ar 20 Mehefin, 2000, rhyddhaodd y band eu trydydd albwm, White Pony, a gynhyrchwyd unwaith eto gan Terry Date ac Deftones. Fe'i cofnodwyd yn Plant Studios yn Sausalito, California ac yn Larrabee Sound Studios, Gorllewin Hollywood, California. Aeth yr albwm i rif tri yn y siart Billboard Unol Daleithiau gyda gwerthiant o 178,000 o gopïau. Roedd Frank Delgado bellach yn aelod llawn-amser o'r band, gan ychwanegu elfennau newydd i gerddoriaeth y band.

Cafodd yr albwm ei rhyddhau yn wreiddiol fel fersiwn 11 trac sy'n dechrau gyda "Feiticeira" ac yn gorffen gyda "Pink Maggit" gan gynnwys clawr llwyd. Cafodd argraffiad cyfyngedig o 50,000 clawr du a choch ei brintio o White Pony, hefyd yn cael eu rhyddhau ar yr un pryd gyda thrac bonws, "The Boy's Republic".

Roedd adolygiadau ar y cyfan yn gadarnhaol, gan nodi soffistigedigrwydd cynyddol Moreno fel bardd a thueddiad y grŵp i fod yn fwy arbrofol. Enillodd White Pony statws platinwm ar 17 Gorffennaf, 2002, gan werthu dros 1.3 miliwn o gopïau yn yr Unol Daleithiau, ac yn ennill gwobr Grammy yn 2001 ar gyfer Perfformiad Metel Gorau am y gân "Elite".

Deftones (2003-2005)[golygu | golygu cod]

Cafodd yr albwm hunan-deitl, Deftones, ei rhyddhau ar 20 Mai 2003. Fe wnaeth yr albwm mynd i mewn i'r Billboard 200 yn rhif dau a mynd ymlaen i werthu 167,000 copi yn ei wythnos gyntaf. Arhosodd yr albwm yn y Billboard 100 am naw wythnos, gan gael ei gefnogi gan y sengl gyntaf, "Minerva".

Ar 4 Hydref, 2005, rhyddhawyd y band yr albwm, B-Sides & Rarities. Casgliad o hen draciau ochr-b a 'covers' o drwy gydol eu gyrfa yw'r CD, tra bod y DVD yn cynnwys deunydd y tu ôl i'r llenni a chasgliad fideos y band hyd at y pwynt hwnnw.

Saturday Night Wrist (2006-2007)[golygu | golygu cod]

Rhyddhawyd Deftones eu pumed albwm, Saturday Night Wrist, ar 31 Hydref, 2006. Fe aeth i rif deg yn y siart Billboard Unol Daleithiau gyda gwerthiant o ychydig dros 76,000, gostyngiad sylweddol ar werthiant wythnos gyntaf eu dau albwm blaenorol.

Treuliodd y Deftones y rhan fwyaf o 2006 a 2007 yn teithio o gwmpas y byd yn cefnogi'r albwm. Chwaraeodd y band mewn llawer o fannau, gan gynnwys Gogledd America, Canada, Ewrop, De America, Japan, ac Awstralia.

Sesiynau Eros a damwain car Cheng (2008-2009)[golygu | golygu cod]

Roedd Deftones yn gweithio ar eu chweched albwm stiwdio Eros ac wedi bod yn ysgrifennu caneuon ers tymor yr Hydref 2007. Dechreuodd cofnodi ar 14 Ebrill 2008. Roedd yr albwm i fod i gael eu rhyddhau yn gynnar yn 2009, ond cafodd ei ohirio.

Ar 4 Tachwedd 2008, cafodd Cheng ei anafu'n ddifrifol mewn damwain car yn Santa Clara, California. O ganlyniad i'r anafiadau hyn, mae wedi parhau i fod mewn cyflwr drwg. Ar 9 Rhagfyr 2008, cyhoeddwyd bod Chi wedi cael eu symud i ofal ysbyty dienw sy'n "arbenigo mewn gofal a rheoli anafiadau i'r ymennydd trawmatig a heb fod yn gysylltiedig â thrawma."

Ar ddiwedd mis Ionawr 2009, rhyddhaodd y band ddatganiad newydd, gan ddweud "nad yw ein cydymaith hyd yma wedi gwneud cynnydd sylweddol," ac y byddai cyfaill y band, Sergio Vega (gynt o Quicksand) yn cymryd drosodd fel chwaraewr bas yn absenoldeb Cheng, fel yr oedd wedi ei wneud dros dro yn 1998.[3]

Ar 23 Mehefin 2009, cyhoeddodd y band ar eu gwefan swyddogol y bydd Eros yn cael ei ohirio am gyfnod amhenodol.

Cafodd y wefan www.oneloveforchi.com ei lansio gan Gina Blackmore tua phedwar mis ar ôl ddamwain Cheng. Mae'r safle yn llwyfan ar gyfer diweddariadau a gwybodaeth am gyflwr Cheng, yn ogystal â gwasanaethu fel safle arwerthu ar gyfer eitemau a roddwyd gan gyfeillion y band. Mae'r holl elw a godwyd gan y wefan One Love for Chi yn cael eu rhoi at ei deulu er mwyn cynnig iddo'r gofal meddygol gorau posibl.

I gynorthwyo yn y godi arian ar gyfer teulu Cheng, cyhoeddodd y band dwy sioe budd-dal yn Los Angeles ym mis Tachwedd.

Arddull gerddorol a dylanwadau[golygu | golygu cod]

Er fod gwreiddiau'r band yn fetel trwm, mae'r Deftones bob amser wedi hawlio dylanwadau amrywiol, gyda'u harddull gerddorol yn amrywio dros eu gyrfa. Mae eu sain wedi cael ei ddisgrifio fel metel arall, roc celf, pop breuddwyd, roc arbrofol, Nu metel, ôl-grunge, ôl-craidd caled, roc blaengar, roc drôn, 'metalgaze' neu ôl-fetel, roc seicedelig, a metel rap. Mae'r albwm B-Sides & Rarities yn cynnwys caneuon o hoff artistiaid y bandd, yn amrywio o fetel, roc caled (Lynyrd Skynyrd) a ôl-craidd caled (Helmet a Jawbox), i roc gothig, roc celf a 'new wave' (Duran Duran, Cocteau Twins a The Cure), R & B (Sade Adu) a hip hop (efo cydweithrediad â B-Real o Cypress Hill).

Mae Deftones wedi cael eu nodi fel dylanwad gan nifer o fandiau amrywiol, gan gynnwys y bandiau Prydeinig Muse a Fightstar, a bandiau roc modern eraill fel Linkin Park, Seether, 10 Years, a nifer eraill.

Cafodd geiriau Moreno eu disgrifio gan Time Magazine fel "awgrymu emosiynau yn hytrach na chyhoeddi nhw."

Aelodau'r Band[golygu | golygu cod]

Aelodau presennol
  • Stephen Carpenter – gitâr
  • Chino Moreno – llais, gitâr
  • Chi Cheng – gitâr fas
  • Abe Cunningham – drymiau
  • Frank Delgado – trofyrddau, allweddellau, sampler
Sesiwn/aelodau taith Diamond Eyes
  • Sergio Vega – gitâr fas, llais cefndirol

Disgyddiaeth[golygu | golygu cod]

Gwobrau[golygu | golygu cod]

Cyfeiriadau[golygu | golygu cod]

  1. 1.0 1.1 Cyfweliad gyda Stephen Carpenter, Guitar World, Hydref, 1997.
  2. Cyfweliad gyda Abe Cunningham, Metal Edge, Ionawr 2007.
  3.  Deftones: Chi Update. Idiomag.com.