David Hockney

David Hockney
Llais	David hockney front row b01460l8.flac
Ganwyd	9 Gorffennaf 1937  Bradford
Bu farw	11 Mehefin 2026  Llundain
Dinasyddiaeth	y Deyrnas Unedig
Alma mater	y Coleg Celf Brenhinol Coleg Celf Chelsea Bradford Grammar School Coleg Bradford
Galwedigaeth	arlunydd, gwneuthurwr printiau, ffotograffydd, cynllunydd llwyfan, drafftsmon, darlunydd, lithograffydd, arlunydd graffig, cerflunydd, gludweithiwr, drafftsmon, sgriptiwr, artist, celfyddydwr, ysgrifennwr, athro, dylunydd theatr, ysgythrwr, engrafwr plât copr
Blodeuodd	2015, 2014
Cyflogwr	Prifysgol Colorado Boulder Prifysgol Iowa Prifysgol y Celfyddydau Creadigol Prifysgol Califfornia, Los Angeles
Adnabyddus am	A Bigger Splash, American Collectors (Fred and Marcia Weisman), A Bigger Grand Canyon, Portrait of an Artist (Pool with Two Figures)
Arddull	graffeg, ffotograffiaeth, celf tirlun, portread (paentiad), peintio genre, celf ddigidol
Prif ddylanwad	Pablo Picasso, Francis Bacon
Mudiad	hyperrealism, celf gyfoes, celf bop, Nouveau réalisme
Gwobr/au	John Moores Painting Prize, Praemium Imperiale, Q641545, Media Award of the German AIDS Foundation, Urdd Cymdeithion Anrhydedd, Urdd Teilyngdod, Neuadd Enwogion California, Queen Sonja Print Award, Officier de la Légion d'honneur, Gwobr Cylch y Beirniaid am Wasanaeth Nodedig i'r Celfyddydau
Gwefan	https://www.hockney.com/

Arlunydd a ffotograffydd o Loegr oedd David Hockney (9 Gorffennaf 1937 – 11 Mehefin 2026). Roedd yn gyfrannwr pwysig i fudiad celf bop yn y 1960au. Fe'i hystyrir yn un o artistiaid Prydeinig mwyaf dylanwadol yr 20g a'r 21g.

Bywyd a gwaith

Fe'i ganwyd ar 9 Gorffennaf 1937 yn Bradford, Gorllewin Swydd Efrog, Lloegr, y pedwerydd o bump o blant i Kenneth Hockney (1904–1978), cyfrifydd, a Laura (née Thompson, 1900–1999). Cafodd ei addysg yn Ysgol Gynradd Wellington, Ysgol Ramadeg Bradford, Coleg Celf Bradford, a Choleg Brenhinol y Celfyddydau, Llundain, lle graddiodd yn 1962. Yna cymerodd swyddi addysgu yng Ngholeg Celf Maidstone, Prifysgol Iowa (1964), Prifysgol Colorado Boulder (1965), Prifysgol Califfornia, Los Angeles (1966–7) a Phrifysgol Califfornia, Berkeley (1967).

Wedi iddo symud i Los Angeles yn 1964, a than ddylanwad golau haul llachar Califfornia, cafodd ei waith ei nodi gan y defnydd o liw bywiog, yn aml yn defnyddio paent acrylig. Daeth yn adnabyddus am ei gyfres o baentiadau o byllau nofio a'i ddarluniad o ffordd o fyw cyfunrywiol hamddenol yr ardal. Er ei fod wedi'i leoli yn ei gartrefi ym Mryniau Hollywood ac ym Malibu byddai'n aros yn Llundain a Pharis hefyd. Yn y 1990au, dychwelodd yn rheolaidd i Bradford i ymweld â'i fam hyd ei marwolaeth yn 1999. Dechreuodd beintio cefn gwlad Swydd Efrog, ac yn 2011 symudodd i Bridlington. Yng ngwanwyn 2020, yn ystod y pandemig COVID-19 byd-eang, dechreuodd fyw yn Normandi, Ffrainc.

Arbrofodd yn rhydd gyda chyfryngau a phynciau. Yn ogystal â defnyddio paent, gwnaeth ysgythriadau a lithograffau. Un ffordd y torrodd dir newydd oedd creu delweddau collage wedi'u gwneud o ffotograffau Polaroid. Un arall oedd defnyddio iPad i greu delweddau. Mae rhai o'i greadigaethau diweddarach ar raddfa fawr iawn.

Gweler hefyd

• A Bigger Splash