David Charles II

Oddi ar Wicipedia
Jump to navigation Jump to search
David Charles II
Ganwyd 1803 Edit this on Wikidata
Caerfyrddin Edit this on Wikidata
Bu farw 10 Mai 1880 Edit this on Wikidata
Dinasyddiaeth Baner Cymru Cymru
Galwedigaeth gweinidog, emynydd Edit this on Wikidata

Roedd David Charles II yn fab i David Charles (I), yn weinidog ac yn emynydd o sir Gaerfyrddin.

Ganwyd David Charles II yn nhref Caerfyrddin yn 1803, ac fe'i addysgwyd yn yr ysgol ramadeg a'r Coleg Presbyteraidd. Priododd Sarah, merch Thomas Rice Charles, ei wraig gyntaf, a fu farw ym 1833, ac Ann, merch Richard Roberts, Lerpwl, a chael un mab, David Roberts Charles. Cychwynnodd weithio i'w dad, ac fel yntau, dechreuodd bregethu pan yn ganol oed, a chael ei ordeinio i'r gwaith gan y Methodistiaid Calfinaidd yn 1851. Un agwedd ar y gwaith hwnnw oedd cyhoeddi misolyn bychan o'r enw Yr Addysgydd, a golygu'r Casgliad o Hymnau Hen a Newydd at wasanaeth y Trefnyddion Calfinaidd. Bu'n flaenllaw yn yr alwedigaeth hon, gan dderbyn cadair y Gymdeithasfa yn y De yn y flwyddyn 1853, ac yn gyd-ysgrifennydd Coleg Trefecca o 1842 i 1852. Cyfansoddodd a/neu gyfieithu emynau lawer, a daeth rhai yn adnabyddus iawn. Bu farw yn nhy ei fab, ac fe'i claddwyd yn Ulverston, swydd Gaerhirfryn.

Ffynonellau[golygu | golygu cod y dudalen]

  • Y Traethodydd, (1893) & (1936)
  • J. Thickens, Emynau a'u Hawduriaid, (1945)
  • David Charles II, Casgliad o Hymnau Hen a Newydd, (1841)